ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
உடல்நலக்குறைவால் பாதிக்கப்பட்டு மருத்துவமனையில் அனுமதிக்கப்பட்டு சிகிச்சை பெற்று வந்த தயாரிப்பாளர் இப்ராஹிம் ராவுத்தர், இன்று(ஜூலை 22ம் தேதி) காலை காலமானார். இவர் நடிகர் விஜயகாந்தின் நெருங்கிய நண்பர் ஆவார். பால்ய காலத்திலிருந்தே இருவரும் நெருங்கிய நண்பர்கள். விஜயகாந்த்தின் பல படங்களை இவர் தயாரித்துள்ளார். ஒருக்கட்டத்தில் மனகசப்பால் இருவரும் பிரிந்தனர்.
இந்நிலையில் இப்ராஹிம் ராவுத்தர் உடல்நலம் பாதிக்கப்பட்டு மருத்துவமனையில் அனுமதிக்கப்பட்டிருந்தபோது நேரில் சென்று நலம் விசாரித்தார். கூடவே தனது நண்பர் அப்படி கிடப்பதை பார்த்து கண்ணீரும் விட்டார் விஜயகாந்த். இந்நிலையில் ராவுத்தரின் மரண செய்திப்பற்றி கேள்விப்பட்ட விஜயகாந்த், நேராக ராவுத்தரின் இல்லத்திற்கு சென்று அஞ்சலி செலுத்தினார். சுமார் ஒன்றரை மணி நேரத்திற்கு மேலாக அவரது இல்லத்தில் இருந்தார்.
நாளை இறுதிசடங்கு
இப்ராஹிம் ராவுத்தரின் இறுதிச்சடங்கு நாளை நண்பகல் 12.45 மணியளவில் சென்னை, சாலிகிராமம், சிங்கப்பூர் பிளாசா அருகே உள்ள மசூதியில் நடைபெற இருக்கிறது.
திரையுலகினர் அஞ்சலி
ராவுத்தரின் உடலுக்கு விஜயகாந்த், அவரது மைத்துனர் எல்கே.சுதீஷ், அருண் பாண்டியன், கருணாஸ், விக்ரமன், ஆர்.கே.செல்வமணி, ரமேஷ் கண்ணா, வி.சேகர், பேரரசு உள்ளிட்ட பல திரைபிரபலங்கள் அஞ்சலி செலுத்தினர்.