டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ் சினிமாவில் இப்போது பரபரப்பாக பிஸியாக இருக்கும் ஒரே நடிகர் விஷால் என்றே சொல்லலாம். ஒரு படம் முடிவதற்குள்ளாகவே அடுத்த படத்தை ஒப்பந்தம் செய்து கொண்டு வருகிறார். 'ஆம்பள' படம் முடிவடைவதற்கு முன்பாகவே 'பாயும் புலி' படத்தில் நடிக்க ஒப்பந்தமானார். 'பாயும் புலி' படம் முடிவதற்குள்ளாகவே பாண்டிராஜ் இயக்கும் படத்தை ஒப்பந்தம் செய்தார். இப்போது இந்தப் படத்தின் படப்பிடிப்புக்கு செல்வதற்கு முன்பாகவே அடுத்து 'கொம்பன்' படத்தை இயக்கிய முத்தையா படத்தில் நடிக்க ஒப்பந்தமாகியுள்ளார் என்கிறார்கள். கூடவே, லிங்குசாமி இயக்க உள்ள 'சண்டக்கோழி 2' படமும் நீண்ட நாட்களாக பட்டியலில் உள்ளது.
'பாயும் புலி' படத்தின் படப்பிடிப்பு கடந்த சில நாட்களுக்கு முன்னர்தான் முடிவடைந்தது. இப்போது பாண்டிராஜ் இயக்கும் படத்தின் படப்பிடிப்பில் நேற்று முதல் கலந்து கொள்ள ஆரம்பித்துள்ளார். இந்தப் படத்தில் விஷால் ஜோடியாக 'மெட்ராஸ்' படத்தில் நடித்த கேத்தரின் தெரேசா நடிக்க உள்ளார். விஷாலைப் போலவே பாண்டிராஜும் அடுத்தடுத்து படங்களை இயக்கி வருகிறார் என்பது குறிப்பிடத்தக்கது. 'இது நம்ம ஆளு' படத்தை இரண்டு பாடல்கள் இல்லாமல் முடித்துக் கொடுத்த பாண்டிராஜ், குழந்தைகளை வைத்து இயக்கியுள்ள 'ஹைக்கூ' படத்தையும் முடித்துவிட்டார். இந்த இரண்டு படங்களும் வெளியீட்டிற்காக காத்துள்ளன. அதற்குள் விஷால் நடிக்கும் படத்தை இயக்க ஆரம்பித்து விட்டார் பாண்டிராஜ். இரண்டு பரபரப்பான ஆட்கள் இயக்கும் படம் சீக்கிரமே முடிந்து விடும் போலிருக்கிறதே...