Dinamalar

'பிரேமம்' பட பைரஸி விவகாரம் ; பிடிபட்ட குற்றவாளிகள் பிளஸ்டூ மாணவர்கள்..!

மலையாள சினிமாவையே கடந்த பாத்து நாட்களுக்கும் மேலாக கதிகலக்கிய 'பிரேமம்' பட பைரஸி விவகாரத்தில் குற்றவாளிகள் ஆன்டி பைரஸி செல்லிடம் சிக்கினர்.. இவர்களில் மூன்று பேர் பிளஸ் ஒன், பிளஸ் டூ மாணவர்கள் என்பதுதான் அதிர்ச்சியான விஷயம்.. பிரேமம் படத்தின் சென்சார் காப்பி, வெளிநாட்டில் இருக்கும் திருட்டு விசிடி மாபியா மூலமாக இவர்களுக்கு கிடைத்ததாக தெரியவந்துள்ளது.. அதனால் இந்த குற்றவாளிகளிடம் இதன் பின்னணியில் இன்னும் யார் இருக்கிறார்கள் என்கிற விசாரணை நடைபெற்று வருகிறது.

பிரேமம் படம் கடந்த மே-29ஆம் தேதி ரிலீஸ் ஆனது.. ஆனால் ஆன்லைனில் பதிவேற்றப்பட்டது ஜூன்-22ல்.. இதில் அதிர்ச்சி என்னவென்றால் படத்தை ரிலீஸ் செய்வதற்கு முன்பாக சென்சாருக்கு திரையிட்டு காட்டுவதற்காக அனுப்பப்படும் வாட்டர் மார்க் கொண்ட பிரதி தான் ஆன்லைனில் திருட்டுத்தனமாக பதிவேற்றப்பட்டுள்ளது. சென்சாருக்கு அனுப்பப்பட்ட பிரதி, திருட்டு டிவிடி மாபியாக்கள் கைக்கு எப்படி சென்றது..?

பிரேமம் படத்தை பார்த்து தணிக்கை சான்றிதழ் வழங்குவதற்காக, அந்தப்படத்தின் போஸ்ட் புரடக்சன் பணிகள் நடைபெற்ற திருவனந்தபுரம் ஸ்டுடியோ ஒன்றில் இருந்து ஒரு பிரதி, வாட்டர் மார்க்குடன் சென்சார் அதிகாரிகளுக்கு மே-18ல் திரையிடப்பட்டது. படத்தை பார்த்த அதிகாரிகள் புகைபிடிப்பது சம்பந்தமான வாட்டர் மார்க்குகளில் எழுத்துக்களின் அளவு சிறியதாக இருந்ததால் அதை கொஞ்சம் பெரிதாக ஆக்குமாறு கூறியுள்ளனர்.

அதன்பின் எடிட்டிங் செய்யப்பட பிரதி மீண்டும் ஜூன்-19ஆம் தேதி சென்சார் அதிகாரிகளிடம் காட்டி, சான்றிதழும் பெறப்பட்டது. ஆனால் இந்த தேதியில் தான் சென்சாருக்கு சென்று வந்த பிரதி, திருட்டு டிவிடி மாபியா கும்பலிடம் கைமாறியுள்ளது. நிச்சயமாக இதன் பின்னணியில் திரையுலகை சேர்ந்த மிகப்பெரிய புள்ளி இருக்கவேண்டும் என்று சொல்லப்படுவது இப்படி சென்சார் பிரதியே திருட்டுத்தனமாக ஆன்லைனில் பதிவேறியதால் தான். படம் ரிலீசான பின் வெளியான தியேட்டர்களில் இருந்து காப்பி பண்ணப்பட்டிருந்தால் வழக்கம்போல இந்தப்படத்தின் பிரச்சனையும் நீர்த்து போயிருக்கும். இனி இந்த கும்பலுக்கு தலைவனாக செயல்பட்டவர் யார் என்பது தெரிய வரும்போது தான் உண்மையான கலகமே வெடிக்க இருக்கிறது. பொறுத்திருந்து பார்ப்போம்.

• செய்திகள்
• ஆல்பம்
• வந்த படங்கள்

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  600க்கும் அதிகமான தியேட்டர்களில் 'கில்லி' ரீ-ரிலீஸ்
• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி