ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
பாபநாசம் படம் வெளிவந்து பலர் அதைப் பார்த்ததுமே கமல்ஹாசனையும், மோகன்லாலையும் ஒப்பீடு செய்து பலவிதமான கருத்துக்களைத் தெரிவித்து வருகிறார்கள். ஒரு படத்தை ரீமேக் செய்யும் போது அந்தப் படத்தில் நடித்துள்ள மற்ற கதாபாத்திரங்களை விட படத்தின் கதாநாயகனை மட்டும் ஒப்பீடு செய்வது தேவையற்ற ஒன்றாகவே இருக்கிறது. மோகன்லால் மலையாளத்தில் சிறந்த நடிகர்தான், அதற்காக கமல்ஹாசனை தமிழில் சிறந்த நடிகர் என்று ஒத்துக் கொள்ள மாட்டார்களா என்ன ?. சில இயக்குனர்களே கமல்ஹாசனையும் மோகன்லாலையும் ஒப்பீடு செய்து அவர்களுடைய குறுகிய மனப்பான்மையை வெளிப்படுத்தியிருக்கிறார்கள்.
பிரபல இயக்குனரான மகேந்திரனின் மகன் ஜான், அவருடைய ஃபேஸ்புக் வலைத்தளத்தில் நேற்று பாபநாசம் பார்த்தேன், பாதி தலைப்பிலேயே விமர்சனம் இருக்கிறது,” என எழுதியுள்ளார். இவர்களைப் போன்ற இயக்குனர்கள்தான் மலையாளப் படத்தையும், தமிழ்ப் படத்தையும் ஒப்பிட்டுப் பார்த்து தங்களது ரசனைகளையும், மேதாவித்தனத்தையும் காட்டிக் கொள்வார்கள். ஆனால், பெரும்பாலான தமிழ் ரசிகர்கள் மலையாளப் படத்தைப் பார்த்திருக்க மாட்டார்கள். அவர்களுக்கு பாபநாசம் படமும், கமல்ஹாசனின் நடிப்பும் நிச்சயம் புது அனுபவத்தைத் தரும்.
கமல்ஹாசனை விமர்சிப்பதை மட்டும் எப்போதும் பலர் விரும்புவார்கள். இதே மோகன்லால் நடித்து தமிழில் ரீமேக்கான சந்திரமுகி படத்தில் ரஜினிகாந்தின் நடிப்பையும், கிரீடம் படத்தில் அஜித்தின் நடிப்பையும் யாரும் இந்த அளவிற்கு விமர்சித்திருக்க மாட்டார்கள். காரணம், அவர்களுடைய ரசிகர்கள் அப்படி விமர்சிப்பவர்களை பதிலுக்கு விமர்சித்து அவர்கள் வாயை அடைத்துவிடுவார்கள். ஆனால், தமிழ் சினிமாவில் பல புதிய முயற்சிகளைக் கொண்டு வரும் கமல்ஹாசனை விமர்சிப்பதை மட்டும் பலர் வாடிக்கையாக வைத்திருக்கிறார்கள் என கமல்ஹாசனின் ரசிகர்கள் குற்றம் சாட்டுகிறார்கள்.