ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
தமிழ் டி.வி.சேனல்கள் இன்னும் மாமியார் மருமகள் சண்டை, கூட்டுக்குடும்ப குத்துவெட்டுக்களைத்தான் சொல்லிக் கொண்டிருக்கிறது. ஆனால் மலையாள சேனல்கள் புதுமையான கதைகளை தேடி தேடி தொடராக ஒளிபரப்புகிறது. சினிமாவில் டாப் ஸ்டார் படங்ளுக்கு ஓப்பனிங் கிடைப்பதைப்போல மலையாள சேனல் மனோரமாவில் ஒளிபரப்பாக தொடங்கிய மாயமோகினி என்ற தொடருக்கு செம ஓப்பனிங் ரெஸ்பான்ஸ் கிடைத்துள்ளது. காரணம் அதன் கதை.
யாமினி பாய் என்ற ஒரு வில்லியால் ஊர்மிளா என்ற அப்பாவி பெண்ணின் குடும்பம் நாசமாகிறது. அவரின் இரு தங்கைகளும் ஆபத்தில் சிக்குகிறார்கள். ஒரு பெண்ணால் பணபலம், அதிகார பலம், ஆள்பலம் மிக்க தாதாவான யாமினி பாயை எதிர்த்து போராடி ஜெயிக்க முடியாது. இதனால் தன்னை உன்னி கிருஷ்ணன் என்ற ஆணாக மாற்றிக் கொண்டு எப்படி அவர் தன் தங்கைகளை காப்பாற்றுகிறார், யாமினி பாயை பழிவாங்குகிறார் என்பதுதான் கதை. அப்பாவி பெண், வீரமான பெண் என்கிற இரண்டு கேரக்டர்களில் நடிக்கிறார் அல்தரா.
சீரியலில் அவர் போலீஸ், வக்கீல், டாக்டர் என விதமான ஆண் கெட்அப்களில் வருகிறார். அவரை காதலிப்பவராக தினேஷ் பணிக்கர் நடிக்கிறார். ஏற்கெனவே வேட்டம்மா, நொம்பரபூவு, பாமினி தோற்காரில்லா, அம்மா அம்மாயிம்மா போன்ற பெண்களை மையமாக கொண்ட தொடர்களை இயக்கிய பிரசாத் நூநாடு இதனை இயக்குகிறார்.