டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
இருசக்கர வாகனம் ஓட்டுபவர்கள், நாளை முதல் ஹெல்மெட் அணிய வேண்டும் என்று சென்னை ஐகோர்ட் உத்தரவிட்டுள்ளதையடுத்து, தமிழக காவல்துறை கட்டாயமாக வாகனஓட்டிகள் பின்பற்றும் வகையிலான நடவடிக்கைகளை எடுத்து வருகிறது. ஹெல்மெட் அணிவதன் அவசியத்தை வலியுறுத்தும் வகையில், நடிகர் கமல்ஹாசன் உள்ளிட்டோர், ஹெல்மெட் விழிப்புணர்வு பிரசாரம் செய்து வருகின்றனர்.
ஹெல்மெட் அணிவதன் அவசியம் குறித்து, நடிகர் கமல்ஹாசன், ஒரு வீடியோவில் பேசியுள்ளார். அதில் கமல் கூறியிருப்பதாவது, இருசக்கர வாகனத்தில் செல்லும் போது தலையைப் பாதுகாக்க, கட்டாயம் தலைக்கவசம் அணியுங்கள். இதைப் பற்றி நாங்கள் கூறினால் நீங்கள் தலைக்கவசம், அணியாமல் தானே படத்தில் வண்டி ஓட்டுகிறீர்கள் என்று எதிர்வாதம் செய்யாதீர்கள்.
சினிமா வேறு.... வாழ்க்கை வேறு....: சினிமாவில் நாங்கள் நடிக்கும் போது எங்கள் அருகினில் பாதுகாப்புக்கு என்று, ஏராளாமான பேர் நிற்கிறார்கள். நாங்கள் நடிப்பதை பாதுகாப்புடன் தான் செய்து கொண்டிருக்கிறோம், அதனால் எங்களைப் பார்த்து விட்டு நீங்கள் தலைக்கவசம் அணியாமல் வண்டி ஓட்ட வேண்டாம்.
சினிமாவில் சூப்பர்மேன் பறந்து போகிறார், உங்களால் அது போன்று செய்ய முடியுமா? மேலும் நீங்கள் ஒரு சர்க்கஸ் நிகழ்ச்சிக்கு செல்லும்போது அந்த நிகழ்ச்சியில் பார்களில் தொங்குவார்கள் உங்கள் வீட்டு பைப்புகளில் அது போன்று செய்ய முடியுமா? அது போன்று தலைக்கவசம் அணிவதையும் சிந்தித்துப் பார்த்து செய்யுங்கள்.