விஜய் நடிக்கும் படத்தின் பெயர் மூன்று முகம்?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

விஜய் நடிக்கும் படத்தின் பெயர் மூன்று முகம்?

29 ஜூன், 2015 - 17:56 IST

எழுத்தின் அளவு:

சில வருடங்களுக்கு முன் கலைப்புலி தாணுவின் தயாரிப்பில் விஜய் நடித்த படம் சச்சின். மகேந்திரனின் மகன் ஜான் இயக்கத்தில் விஜய் ஜெனிலியா நடித்த சச்சின் படத்தில் கல்லூரி மாணவராக நடித்தார் விஜய். எதற்கு இந்த ப்ளாஷ்பேக்? காரணமிருக்கிறது. மீண்டும் கலைப்புலி தாணுவின் தயாரிப்பில், அட்லி இயக்கத்தில் தற்போது நடிக்கும் புதிய படத்திலும் ('விஜய் 59') கல்லூரி மாணவராக நடிக்கிறார் விஜய். இந்தப்படத்திற்கான பூஜை கடந்த 26ஆம் தேதி சென்னை ஈசிஆரில் உள்ள கேரளாஹவுசில் நடைபெற்றது. 'விஜய் 59' படத்தில் விஜய்க்கு ஜோடியாக சமந்தா நடிக்கிறார். 'கத்தி' படத்திற்குப் பிறகு விஜய்யுடன் 2வது முறையாக நடிக்கிறார் சமந்தா.

இப்படத்தில் சமந்தா கல்லூரி மாணவியாக நடிக்கிறார். ஏற்கெனவே 'நீதானே என் பொன்வசந்தம்', 'அஞ்சான்' படங்களிலும் கல்லூரிப் பெண்ணாக சமந்தா நடித்திருக்கிறார் என்பதால் இந்தப்படத்தில் அவர் கல்லூரிப் பெண்ணாக நடிப்பதில் வியப்பில்லை. கல்லூரி மாணவராக விஜய் நடிப்பதுதான் விசேஷம். 'ராஜா ராணி'யைத் தொடர்ந்து அட்லீ இயக்கும் படம் என்பதால் அவருடைய முதல் படத்தைப்போலவே இதுவும் ஒரு காதல் படமாக இருக்கும் என்று தோன்றுகிறது. இப்படம் குறித்த மற்றொரு தகவல்...ரஜினி நடித்த 'மூன்று முகம்' படத்தின் டைட்டில் இந்தப்படத்துக்கு வைக்கப்படலாம் என்ற தகவல் காதில் விழுகிறது.

Vijay

Thanu

Atlee

விஜய்

தாணு

அட்லீ

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய