Dinamalar

ரகசிய கதை விவாதத்தில் இயக்குனர் ஷங்கர்

'எந்திரன் 2' படத்திற்காக ரஜினிகாந்துடன் மீண்டும் இணைய உள்ள ஷங்கர் தீவிரமான ரகசிய கதை விவாதத்தில் ஈடுபட்டுள்ளதாகத் தகவல்கள் தெரிவிக்கின்றன. ஷங்கரின் அலுவலகத்தில் கடந்த சில மாதங்களாகவே அந்தப் படத்திற்கான கதை உருவாக்க முயற்சியில் எழுத்தாளர் ஜெயமோகன் உட்பட ஷங்கரின் உதவி இயக்குனர்கள் பலர் ஈடுபட்டிருந்தனராம். இப்போது கதை விவாதம் முழுமையாக உருப்பெறும் விதத்தில் அனைவரது தொடர்பு எல்லைக்கு வெளியில் சென்று ரகசியமான ஒரு இடத்தில் கதை விவாதம் நடந்து வருகிறதாம்.

ஷங்கர், எழுத்தாளர் ஜெயமோகன், உதவி இயக்குனர்கள் உட்பட பலர் அதில் கலந்து கொண்டிருப்பதாகச் சொல்கிறார்கள். பொதுவாக தன் படங்களின் கதை விவாதங்களில் ரஜினிகாந்தும் கலந்து கொள்வார். கடைசியாக வெளிவந்த 'லிங்கா' படத்திலும் கே.எஸ்.ரவிக்குமாருடனும் ரஜினிகாந்த் விவாதத்தில் கலந்து கொண்டார். ஆனால், ஷங்கர் போன்ற இயக்குனர்களுடன் ரஜினிகாந்த் இதுவரை கதை விவாதத்தில் கலந்து கொண்டதாக எந்தத் தகவலும் இல்லை. இதனிடையே பா.ரஞ்சித் இயக்க உள்ள படத்தின் கதை விவாதத்தில் ரஜினிகாந்த் கலந்து கொண்டிருக்கலாம் என்றும் அந்தப் படத்தின் ஸ்கிரிப்ட் முழுமையான பிறகு அவர் ஷங்கரிடம் மொத்த கதையையும் கேட்பார் என்றும் சொல்கிறார்கள்.

அடுத்தடுத்து இரண்டு வித்தியாசமான படங்களில் ரஜினிகாந்தைப் பார்க்கப் போவது மட்டும் உறுதி என்று கோலிவுட்டில் செய்தி பரவிக் கிடக்கிறது.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  ‛கில்லி' ரீ-ரிலீஸ் : த்ரிஷா நெகிழ்ச்சி
• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி