விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு | இன்ஸ்டா கணக்கை டெலிட் செய்தாரா யுவன்? | அதிக எதிர்பார்ப்பில் வெளியாகும் வீட்டுக்கு வீடு வாசப்படி சீரியல்! | மிஸ்டர் மனைவி சீரியலில் என்ட்ரி கொடுக்கும் தேப்ஜானி மோடக் | இளையராஜா எல்லோருக்கும் மேலானவர் இல்லை : ஐகோர்ட் கருத்து | இசை ஆல்பத்தில் அஞ்சு குரியன் |
சிம்பு - ஹன்சிகா இருவரும் இணைந்து நடிக்க வேட்டை மன்னன், வாலு ஆகிய படங்கள் சிறிய இடைவெளியில் சில வருடங்களுக்கு முன் ஆரம்பமானது. ஆனால், வேட்டை மன்னன் சில நாட்கள் படப்பிடிப்பு நடந்த நிலையில் பின்னர் கைவிடப்பட்டது. ஆனால், வாலு படம் தட்டுத் தடுமாறி படப்பிடிப்பு நடந்து ஒரு வழியாக அடுத்த மாதம் வெளியாக உள்ளது. இன்னும் இந்தப் படத்தில் இடம் பெற்றுள்ள தாறுமாறு... என்ற பாடலுக்கு படப்பிடிப்பு நடத்தப்படாமல் உள்ளது. இந்தப் படத்தின் படப்பிடிப்பு நடந்த சமயத்தில் சிம்புவும், ஹன்சிகாவும் காதலிக்க ஆரம்பித்து, அதையும் அறிவித்து, பின்னர் சில மாதங்களிலேயே பிரிந்துவிட்டதாகவும் தெரிவித்தார்கள்.
அதனால், அந்தப் பாடலை இதுவரை படம் பிடிக்காமலே இருந்தார்கள். இடையில் அந்தப் பாடலில் சில முன்னாள் ஹீரோயின்களை நடிக்க வைத்து படப்பிடிப்பை முடித்துவிடலாமா என்று கூட நினைத்திருந்தார்கள். அதற்காக சிம்ரன், மீனா ஆகியோருடன் பேச்சு நடத்தினார்கள் என்று கூட செய்திகள் வெளிவந்தன. ஆனால், இப்போது ஹன்சிகாவே அந்தப் பாடலில் நடித்துத் தர சம்மதம் தெரிவித்திருக்கிறாராம். அநேகமாக இன்னும் சில நாட்களில் அந்தப் பாடலின் படப்பிடிப்பை நடத்த உள்ளதாகத் தகவல்கள் தெரிவிக்கின்றன. . அதிரடியான நடனப் பாடலாக இந்தப் பாடலைப் படமாக்க திட்டமிட்டிருக்கிறார்களாம்.
ஹன்சிகா திடீரென சிம்புவுடன் இணைந்து நடிக்க சம்மதம் தெரிவித்திருப்பது மிகப் பெரும் ஆச்சரியத்தை ஏற்படுத்தியுள்ளதாக கோலிவுட்டில் தெரிவிக்கிறார்கள்.