பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் | ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்! |
குழந்தைகள் அதிகமாக சாப்பிடும் மேகி நூடுல்ஸில், அதை சாப்பிடுபவர்களின் உயிருக்கு தீங்கு விளைவிக்கக்கூடிய பொருட்கள் அளவுக்கதிகமாக கலந்திருப்பதால், மேகி நூடுல்ஸுக்கு தடை விதித்திருப்பது மட்டுமல்ல, அதன் விளம்பரப்படத்தில் நடித்த ஹிந்தி நடிகர் அமிதாப்பச்சன், நடிகை மாதுரி தீட்ஷித் ஆகியோருக்கு நோட்டீஸும் அனுப்பி உள்ளது உத்தர பிரதேச அரசு.
மேகி நூடுல்ஸை சாப்பிடும்படி சிபாரிசு செய்யும் முன் அதை நீங்கள் சாப்பிட்டு பார்த்தீர்களா? அதில் நச்சுப்பொருள் இருப்பது உங்களுக்கு தெரியுமா? எக்றி ரீதியில் பல கேள்விகளையும் எழுப்பி விளக்கம் கேட்டுள்ளனர். இந்த நடவடிக்கையினால் விளம்பரப்படங்களில் நடிக்கும் சினிமா நட்சத்திரங்களுக்கு சிக்கல் ஏற்பட்டுள்ளது. இது ஒருபக்கமிருக்க, நடிகை ராதிகாவுக்கும் இதேபோன்றதொரு பிரச்சனை ஏற்பட வாய்ப்பு இருப்பதாக செய்திகள் அடிபடுகின்றன.
சென்னை அம்ரிதா என்ற பிரபல கல்வி நிறுவனத்தின் விளம்பரங்களில் தோன்றும் நடிகை ராதிகா, நான் சென்னை அமிர்தாவுல இருக்கேனா? இல்லே... துபாய் 7 ஸ்டார் ஹோட்டல்ல இருக்கேனா? என்று சென்னை அம்ரிதா கல்விநிறுவனத்தைப் பற்றி பெருமையாகப் பேசுகிறார். இதற்கிடையில் சில வாரங்களுக்கு முன் அந்த கல்லூரியில் ஒரு மாணவன் ஒருவர் மர்மமான முறையில் இறந்ததாக கூறப்படுகிறது.
இந்த சம்பவத்துக்குப் பிறகு சென்னை அமிர்தாவின் விளம்பரத் தூதுவரான ராதிகாவும் கடும் விமர்சனத்தை சந்தித்து வருகிறார். இதை அறிந்த ராதிகா தன் டுவிட்டர் பக்கத்தில் தன் தரப்பை தெளிவுபடுத்தி இருக்கிறார். நடிகையாக அவர்களின் விளம்பரப்படத்தில் நடித்தேனே தவிர நான் அந்த நிறுவனத்தில் விளம்பர தூதுவர் அல்ல. அந்த கல்விநிறுவனத்தில் சேர்ப்பதற்கு முன் பெற்றோர்கள் விசாரித்து செயல்படவும். அந்த நிறுவனம் பற்றி தற்போது சர்ச்சைகள் எழுந்துள்ளதால் இனி சென்னை அமிர்தா விளம்பரத்தில் நான் நடிக்க மாட்டேன்! இவ்வாறு ராதிகா கூறியுள்ளார்.
இதேப்போன்று ரியல் எஸ்டேட் விளம்பரத்தில் நடித்துள்ள நடிகர்களுக்கு அடுத்தப்படியாக சிக்கல்கள் உருவாகயிருப்பதாக நம்பத்தகுந்த வட்டாரங்கள் தெரிவிக்கின்றன. இதனால் அந்த விளம்பரத்தில் நடித்த நடிகர், நடிகையர் கலக்கத்தில் உள்ளனர்.