Dinamalar

அம்மாவின் தொண்டன் படத்தில் சரத்குமார் நடிப்பாரா? - இயக்குனர் கே.எஸ்.நேசமானவன் பதில்

வருசமெல்லாம் வசந்தம்,நேசிக்கிறேன், நான் தமிழன்டா, காயிலாங்கடை ஆகிய படங்களை இயக்கிய கே.எஸ். நேசமானவன். இவர் தற்போது ராதா கீதா ஸ்வேதா என்ற படத்தை இயக்குகிறார். சந்தர்ப்ப சூழ்நிலை காரணமாக ஒழுக்கமான ஒருவன் மூன்று கொலைகளை செய்கிறான். இதனால் தூக்குதண்டனை கைதியாகும் அவன் பின்னர் அதிலிருந்து எப்படி தப்பிக்கிறான் என்பதுதான் இந்த படத்தின் கதை என்று கூறும் டைரக்டர் நேசமானவன், இந்த படத்தில் புதுமுகம் ஒருவர் ஹீரோ நடிப்பதாக கூறுகிறார். அதோடு, வினுசக்கரவர்த்தி, தலைவாசல் விஜய் ஆகிய முன்னணி நடிகர்களும் முக்கியத்துவம் வாய்ந்த கேரக்டரில் நடிக்கிறார்களாம்.

மேலும், இந்த படத்தை அடுத்து அவர் அம்மாவின் தொண்டன் என்றொரு படத்தை இயக்குகிறாராம். அப்படம் பற்றி இயக்குனர் நேசமானவன் கூறுகையில், நான் ஏற்கனவே முதல்வர் ஜெயலலிதாவின் கொள்கைகளை சொல்லும் விதமாக இரண்டு வீடியோ ஆல்பங்களை இயக்கியிருக்கிறேன். அந்த வரிசையில், இப்போது அவரது சாதனைகளை கூறும் வகையில், அம்மாவின் தொண்டன் என்றொரு படத்தை இயக்குகிறேன்.

இதுவும் மற்ற கமர்சியல் படங்களைப்போன்று இரண்டறை மணி நேர படம்தான். 234 தொகுதிகளிலும் முதலமைச்சர் ஜெயலலிதா செய்துள்ள மக்கள் தொண்டுகளை இந்த கதையில் கொண்டு வருகிறேன். இந்த படத்தில் நானே ஹீரோவாக நடிக்கிறேன். இப்படம் முழுக்க முழுக்க ஜெ.,வின் சாதனைகளை சொல்லும் படம் என்பதால் தியேட்டருக்கு வராது. பிரச்சார படமாக மட்டுமே பயன்படுத்தப்படும். அந்த வகையில் தமிழ்நாட்டிலுள்ள மொத்தம் 234 தொகுதிகளிலும் இந்த படம் மக்கள் பார்வைக்காக திரையிடப்படும் என்று கூறும் நேசமானவன், இந்த படத்தில் சூர்யாகாந்த், குண்டு கல்யாணம் உள்பட அதிமுகவைச்சேர்ந்த பல நடிகர் நடிகைகளும் நடிப்பதாக கூறுகிறார்.

அவரிடத்தில், இந்த அம்மாவின் தொண்டன் படத்தில் சரத்குமார் ஏதேனும் வேடத்தில் நடிக்கிறாரா? என்று கேட்டால், இதுவரை அவரிடத்தில் அதுபற்றி பேசவில்லை. ஆனால், விரைவில் அதற்கான முயற்சி செய்வேன். அவர் நடித்தால் சந்தோசம். இல்லையென்றாலும் வருத்தப்படமாட்டேன் என்கிறார் நேசமானவன்.

• செய்திகள்
• வந்த படங்கள்
• வரவிருக்கும் படங்கள்

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்