ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
சூர்யா, நயன்தாரா நடித்துள்ள 'மாஸ்' திரைப்படம் தெலுங்கில் 'ராக்ஷசடு' என்ற பெயரில் டப்பிங் ஆகி தமிழில் வெளிவரும் அதே 29ம் தேதியன்று தெலுங்கிலும் வெளியாகிறது. இந்தப் படத்தின் இசை வெளியீடு நேற்று ஹைதராபாத்தில் நடைபெற்றது. விழாவில் பிரபல தெலுங்கு ஹீரோ பிரபாஸ் மற்றும் இயக்குனர் கோதண்டராமி ரெட்டி ஆகியோர் கலந்து கொண்டு 'ராக்ஷசடு' படத்தின் இசையை வெளியிட்டனர். விழாவில் சூர்யா, இசையமைப்பாளர் யுவன்ஷங்கர் ராஜா, பிரேம்ஜி, ஸ்ரீமன், தயாரிப்பாளர் ஞானவேல்ராஜா உள்ளிட்டோர் கலந்து கொண்டனர்.
நிகழ்ச்சியில் சூர்யா பேசியதாவது, “கோதண்டராமி ரெட்டி அவர்களுக்கு நன்றி, அவருடைய டைட்டிலைத்தான் எங்களது படத்திற்குப் பயன்படுத்தியுள்ளோம், அதற்கு அவருக்கு நன்றி. அந்தப் படத்தைப் போன்றே எங்களுக்கும் ஆசீர்வாதம் கிடைக்கும் என நம்புகிறோம். பிரபாஸ், அவர் மிகவும் இனிமையானவர் என்று தெரியும். அவர் உங்களுடைய டார்லிங். ஆனால், என்னைப் பொறுத்தவரைக்கும் அவர் அதற்கும் மேலே. அவருடைய உபசரிப்பிலும், அன்பிலும் நான் அசந்து போனேன். இந்தியாவே அவருடைய 'பாகுபலி' படத்திற்காக மிகவும் காத்துக் கொண்டிருக்கிறது. தமிழ்த் திரையுலகமும் அதற்காகக் காத்துக் கொண்டிருக்கிறது. எங்களுடன் நேரம் செலவழிப்பதற்கு பிரபாஸ்க்கு நன்றி தெரிவித்துக் கொள்கிறேன்.
என்னுடைய தயாரிப்பாளர் ஞானவேல்ராஜா என்னுடைய ஒவ்வொரு படத்தையும் உங்களிடம் அருமையாக எடுத்துச் சென்று வருகிறார். 'மாஸ்' படக் குழுவினர் அனைவருக்கும் நன்றி. இந்தப் படம் மிகவும் என்டர்டெயின்மென்ட்டாக இருக்கும். நிச்சயம் இந்தப் படம் மூலம் உங்களது எதிர்பார்ப்பை நாங்கள் பூர்த்தி செய்யும் என்று நம்புகிறோம்.
எப்போதும் போல் உங்களது ஆதரவு எங்களுக்கு வேண்டும். உங்கள் அன்புக்கு நன்றி,” என்று சூர்யா பேசினார்.