Dinamalar

தூக்குத்தண்டனை மனித இனத்துக்கு அவசியம்தானா? - டைரக்டர் எஸ்.பி.ஜனநாதன்

இயற்கை, ஈ, பேராண்மை ஆகிய படங்களை இயக்கிய எஸ்.பி.ஜனநாதன் தற்போது இயக்கியிருக்கும் படம் புறம்போக்கு என்னும் பொதுவுடமை. இப்படத்தில் ஆர்யா, ஷாம், விஜயசேதுபதி, கார்த்திகா ஆகியோர் முக்கிய வேடத்தில் நடித்துள்ளனர். ஸ்ரீகாந்த் தேவா பின்னணி இசையமைத்திருக்கும் இப்படத்தின் பாடல்களுக்கு வர்ஷன் என்ற புதியவர் இசையமைத்துள்ளார். ஏகாம்பரம் ஒளிப்பதிவு செய்துள்ள இப்படத்தை யூடிவி தயாரித்துள்ளது.

இப்படத்தின் பத்திரிகையாளர் சந்திப்பு நேற்று மாலை சென்னையில் நடைபெற்றது. அப்போது எஸ்.பி.ஜனநாதன் பேசும்போது, இந்த படத்தை யூடிவியிடம் இருந்து ஒரு தொகையை வாங்கி நானே தயாரித்து இயக்கியிருக்கிறேன். அதனால் பொறுப்பு அதிகமானது. அதேசமயம் எனக்கு முழு சுதந்திரம் இருந்தது. அதனால் எந்த இடத்திலும் காம்ப்ரமைஸ் ஆகாமல் நான் நினைத்தபடியே படமாக்கியிருக்கிறேன்.

மேலும், உலக அளவில் கடந்த 10 ஆண்டுகளில் ஆயிரத்து நானூறு பேருக்கு மேல் தூக்கிலிடப்பட்டிருக்கிறார்கள். பல கம்யூனிஸ்ட் தோழர்கள் தூக்கிலிடப்பட்டுள்ளனர். இதுபோன்ற விசயங்களை மனதில் கொண்டுதான் இந்த படத்தின் கதை உருவாகியிருக்கிறது. முக்கியமாக, தூக்கு தண்டனை மனித இனத்துக்கு தேவையா? என்பதைத்தான் இந்த படம் சொல்ல வருகிறது.

இப்படத்தில் ஆர்யா ஒரு புரட்சியாளராக நடித்துள்ளார். புரட்சியாளன் என்றாலே கறுப்பு நிறத்தில் தாடி வைத்தவர்களாகத்தான் இதுவரை சினிமாவில் காண்பித்து வந்துள்ளனர். ஆனால் அதை மாற்ற வேண்டும் என்பதற்காக இந்த படத்தில் ஆர்யாவை நடிக்க வைத்தேன். காரணம், பகத்சிங் போன்ற புரட்சியாளர்கள் ரொம்ப அழகானவர்களாக இருந்துள்ளனர். அதனால் ஆர்யா இந்த ரோலுக்கு பொருத்தமாகவே இருந்தார்.

அதேபோல் ஷாம் ஒரு இன்ஸ்பெக்டராக நடிக்க, விஜயசேதுபதி ஒரு யதார்த்தமான ரோலில் நடித்துள்ளார். அவரது கதாபாத்திரம் ரொம்ப இயல்பாக வந்துள்ளது. கார்த்திகா குயிலி என்றொரு பெண் போராளியாக வருகிறார். ஹீரோக்களுடன் ரொமான்ஸ் செய்து கொண்டிருந்த அவரை, ஆக்சன் நாயகியாக நடிக்க வைத்திருக்கிறேன். அவரும் கதாபாத்திரத்தை உணர்ந்து நடித்துள்ளார். இந்த படத்திற்கு பிறகு அவரை வித்தியாசமான கதாபாத்திரங்களில் மற்ற இயக்குனர்களும் நடிக்க வைப்பார்கள்.

மேலும், இது மல்டி ஹீரோ கதை என்பதால் இந்த நடிகர்களுக்கிடையே ஈகோ வருமோ என்கிற பயமும் முதலில் இருந்தது. ஆனால், ஆர்யா, ஷாம், விஜயசேதுபதி ஆகிய மூன்று பேருமே எந்தவித சலசலப்பும் செய்யாமல் என் மீதுள்ள நம்பிக்கையில் அந்த கதாபாத்திரங்களில் நடித்தனர். இன்னும் சொல்லப்போனால் படப்பிடிப்பு தளத்தில் இருந்த 120 நாட்களும் துளியும் ஈகோ என்பது இல்லாத நண்பர்களாக பழகினார்கள். அதோடு, புறம்போக்கு படப்பிடிப்பில் எங்களுடன் இருந்த ஒரேயொரு பெண் கார்த்திகாதான். வேறு எந்த பெண் கதாபாத்திரம் இந்த படத்தில் கிடையாது என்று சொன்ன எஸ்.பி.ஜனநாதன், இதற்கு முன்பு இயற்கை படத்தின் பிரஸ்மீட்டில் நான் பேச வரும்போது கரன்ட் போய் விட்டது. அதேபோல் இப்போது நான் பேசத் தொடங்கியதுமே மைக் சரியானபடி ஒர்க் ஆகாமல் தடங்கல் வந்துள்ளது. ஆக, தடங்கல் ஏற்பட்டாலே எனக்கு சக்சஸ்தான் என்றார்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்