Dinamalar

ஜெயா டி.வி.,க்கு கைமாறியதா காவலன்?

நடிகர் விஜய் நடித்த காவலன் படம் ஜெயா டி.வி.,க்கு கைமாறி விட்டதாக தகவல்கள் வெளியாகியுள்ள நிலையில் அதன் தயாரிப்பாளர் சக்தி சிதம்பரம் அதனை மறுத்துள்ளார். காவலன் படத்துக்கு தியேட்டர் கிடைக்காத பிரச்னை ஒரு புறமென்றால், அந்த படத்தில் அசின் நடித்திருப்பது இன்னொரு பிரச்னை... விஜய்க்கு அடுத்தடுத்த தோல்வியும் இந்த பிரச்னைகளுடன் கைகோர்த்துக் கொண்டு தியேட்டர் அதிபர்கள் ரூபத்தில் காவலனுக்கு எதிர்ப்பு தெரிவித்துக் கொண்டிருக்கிறது. இதனால் விஜய்யின் தந்தை டைரக்டர் எஸ்.ஏ.சந்திரசேகரன் முன்னாள் முதல்வர் ஜெயலலிதாவை சந்தித்து உதவி கோரியது எல்லோருக்கும் தெரிந்த சங்கதிதான்.

அந்த சந்திப்பின்போது இன்னொரு உதவியும் காவலனுக்கு கிடைத்ததாக செய்திகள் வெளியாயின. அதாகப்பட்டது, புதிய படங்கள் ரீலிஸ் ஆனாலே முன்னணி சேனல்கள் இரண்டு பேர் போட்டி போட்டுக் கொண்டு படங்களை விலை கொடுத்து வாங்கி வருகிறார்கள். யானைகளுக்கு நடுவில் எறும்புக்கு என்ன வேலை என நினைத்த மற்ற சேனல்கள் இந்த போட்டியில் கலந்‌து கொள்ளாமல் ஒதுங்கியே நிற்கின்றன. அப்படியே போட்டிக் களத்தில் குதித்தாலும் தோல்விதான் கிடைத்து வந்தது. இந்நிலையில்தான் காவலன் படத்தின் தொலைக்காட்சி உரிமையை ‌ஜெயா டி.வி., வாங்கி விட்டதாக முதலில் உறுதி படுத்தப்படாத தகவல்கள் வெளியாயின. இந்நிலையில் அந்த தகவலை படத்தில் தயாரிப்பாளர் சக்தி சிதம்பரம் மறுத்துள்ளார்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்