பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
ரஜினியின் படம் வெளியான சில நாட்களில் அவரது அடுத்தப் படம் பற்றிய வதந்திகள் கிளம்புவது புதிய விஷயமல்ல. ரஜினி சூப்பர்ஸ்டாராக உருவெடுத்த காலத்திலிருந்தே நடப்பதுதான். கே.எஸ்.ரவிகுமார் இயக்கி படு தோல்வி அடைந்த 'லிங்கா' படத்தைத் தொடர்ந்து லைகா புரடக்ஷன்ஸ் தயாரிப்பில் ஷங்கர் இயக்கத்தில் 'எந்திரன் 2' படத்தில் ரஜினிகாந்த் நடிக்க இருக்கிறார் என்று கடந்த சில வாரங்களாக பரபரப்பான செய்திகள் வந்து கொண்டிருக்கின்றன. மீடியாவின் காதுகளுக்குப் படாமல் இன்னொரு தகவலும் திரையுலகில் அடிபட்டு வருகிறது. சுந்தர்.சி.தான் ரஜினியின் அடுத்த படத்தை இயக்குகிறார் என்பதே அந்த தகவல்.
காஞ்சனா -2 படத்தின் வெற்றியை வைத்து, அடுத்து ரஜினியை இயக்கப் போகிறவர் ராகவா லாரன்ஸ் என்றும் பேசப்பட்டது.
இந்நிலையில் இப்போது திடீர் திருப்பமாக ரஜினியின் அடுத்த படத்தை 'மெட்ராஸ்' படத்தை இயக்கிய பா.ரஞ்சித் தான் இயக்க போகிறார் என்று செய்தி பரவி இருக்கிறது.
அந்த படத்தை சூர்யா பங்குதாரராக உள்ள ஸ்டுடியோ க்ரீன் பட நிறுவனம் தயாரிக்க இருப்பதாகவும் தகவல்கள் வெளியாகியுள்ளது.
இதுகுறித்து அதிகாரபூர்வமான எந்த தகவலும் வெளியாகாத நிலையில் 'அட்டகத்தி' தினேஷ், இயக்குனர் பா.ரஞ்சித்துக்கு தனது ஃபேஸ்புக் பக்கத்தில் ரஜினியை இயக்கப் போவது குறித்து வாழ்த்து தெரிவித்துள்ளார். அதை வைத்தே பா.ரஞ்சித், ரஜினி படத்தை இயக்கப் போவதாக செய்தி பரவி உள்ளது!
உண்மையில் என்னதான் நடக்கிறது?
தனக்கு வேண்டியப்பட்டவர்களின் சிபாரிசில் சில இயக்குநர்கள் கதை சொல்ல விருப்பம் தெரிவிக்கும்போது அதை தட்டமுடியாமல் ரஜினி கதை கேட்பது வழக்கம்.
அப்படி சூர்யாவின் சிபாரிசில் பா.ரஞ்சித்திடம் கதை கேட்டாராம் ரஜினி. மற்றபடி அவரது இயக்கத்தில் நடிப்பதாக ரஜினி தரப்பில் உறுதிமொழியும் கொடுக்கப்படவில்லையாம்.
அதுமட்டுமல்ல, தன் அடுத்தப்படத்தை ரஞ்சித் இயக்குவதாக வெளிவந்த செய்தியை ரஜினி தரப்பு ரசிக்கவில்லை என்றும் கேள்வி.