Dinamalar

தேச உணர்வை தூண்டும் மூன்றாம் உலகப்போர் பாடல்! -அண்ணாமலை பெருமிதம்

சமீபகாலமாக ஏராளமான சூப்பர் ஹிட் பாடல்களை எழுதி வருபவர் பாடலாசிரியர் அண்ணாமலை. வருகிற 8-ந்தேதி திரைக்கு வரும் இந்தியா பாகிஸ்தான் படத்தில் இவர் எழுதியுள்ள, ஒரு பொண்ணை பாத்தேன் மாமா, வாடி குட்டி லேடி ஆகிய பாடல்கள் தற்போது சூப்பர் ஹிட்டாகியுள்ளது.

இதையடுத்து சுகன் கார்த்திக் இயக்கத்தில் மூன்றாம் உலகப்போர் என்ற படத்தில் அனைத்து பாடல்களையும் எழுதியுள்ள அண்ணாமலை, அந்த பாடல்களை தேச உணர்வினை ஏற்படுத்தும் வகையில் எழுதியிருக்கிறாராம். குறிப்பாக, 2020-ல் மூன்றாம் உலகப்போர் வந்தால் என்ன நடக்கும் என்பதை மையமாக வைத்து உருவாகியுள்ள இந்த படத்தில், வேத்து சங்கர் இசையில் தான் எழுதியுள்ள இந்திய நாடே என்ற பாடலை மிகப்பெருமையாக குறிப்பிடுகிறார்.

அந்த பாடலின் வரிகள் பற்றி அவர் கூறுகையில்,

இந்திய நாடே நீ வெறும் நீரும் நிலமா, எங்கள் உயிரின் சுவாசம்

ஒரு துளி உதிரம் இருக்கிற வரைக்கும் என்னுயிர் தேசத்தை காக்கும்

- என தொடங்கும் இந்த பாடலின் வரிகள் என்னை பாதித்ததை விட படத்தின் இயக்குனர், இசையமைப்பாளர், பாடகர் சங்கர் மகாதேவன் ஆகியோரை ரொம்பவே பாதித்தது. இந்த பாடலை மும்பையில் உள்ள ஒரு ரெக்கார்டிங் தியேட்டரில் பாடி முடித்ததும், தேசப்பற்றினை இதைவிட சிறப்பாக இதுவரை யாரும் சொன்னதில்லை. அந்த அளவுக்கு அற்புதமான வரிகளால் எழுதியிருக்கிறீர்கள் என்று சொல்லி பாராட்டிய அவர், இந்த பாடலுக்கு கண்டிப்பாக தேசிய விருது கிடைக்கும் என்று கூறினார். அதோடு, இந்த படம் வெளியான பிறகு தமிழகத்தின் பள்ளிகளில் தேசிய கீதம் போன்று இந்த பாடல் ஒலிக்கும் என்றார். ஒரு பிரபல பாடகரின் இந்த பாராட்டும், நம்பிக்கையும் எனக்கு பெரிய உற்சாகத்தை கொடுத்தது என்கிறார் பாடலாசிரியர் அண்ணாமலை.

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...

• 
  ரீ-ரிலீஸ் படங்களால் யாருக்கு லாபம்?
• 
  விஜய் கையில் காயம் : ரசிகர்கள் வருத்தம்
• 
  ரச்சிதா பிறந்தநாளில் வெளியான ‛பயர்' முன்னோட்ட வீடியோ
• 
  மே 3ல் ரிலீஸாகும் ‛குரங்கு பெடல்'
• 
  அஜித்துக்காக உருவாக்கப்பட்ட டைட்டிலில் அருண் விஜய்