Dinamalar

குழந்தை நட்சத்திரங்களுக்கு புதிய கட்டுப்பாடு: பாதுகாப்பு ஆணையர் தகவல்

திரைப்படம், மற்றும் தொலைக்காட்சிகளில் நடிக்கும் குழந்தை நட்சத்திரங்களுக்கு புதிய கட்டுப்பாடுகள் விதிக்கப்பட இருக்கிறது என்று தமிழ்நாடு குழந்தை உரிமைகள் ஆணைய தலைவர் சரஸ்வதி தெரிவித்தார்.

பொது ஊடகங்களில் குழந்தைகள் பயன்பாடு குறித்து ஆலோசனை கூட்டம் சென்னையில் நேற்று (ஏப் 25) நடந்தது. இதில் கலந்து கொண்டு ஆணையத்தின் தலைவர் சரஸ்வதி பேசியதாவது: திரைப்படங்கள், தொலைக்காட்சிகள், விளம்பரங்கள் ஆகியவற்றில் குழந்தைகள் அதிக அளவில் பயன்படுத்தப்பட்டு வருகிறார்கள். இது குழந்தைகளுக்கு பொருளாதார மேம்பாட்டையும், புகழையும் கொடுத்தாலும் இந்த குழந்தைகளின் உரிமைகள் பாதுகாக்கப்படுகிறதா என்பதை உறுதி செய்ய வேண்டும். குழந்தைகள் படப்பிடிப்பில் கலந்து கொள்ளும் கால அளவு, குழந்தைகளிடம் மற்றவர்கள் அணுகும் முறை, கல்வி, பராமரிப்பு ஆகியவை கண்காணிக்கப்பட வேண்டும். குழந்தைகள் உரிமை சட்டம் மீறப்படுகிறதா என்பதையும் கவனிக்க வேண்டும்.

புகழ் வெளிச்சத்தில் தள்ளப்படும் குழந்தைகள் தங்களின் குழந்தை தனத்தை தொலைத்து தனித்து விடப்படும் ஆபத்து இருப்பதால் பிற்காலத்தில் அவர்கள் மனநலம் பாதிக்கவோ, அல்லது தவறான வாழ்க்கையை தேர்ந்தெடுக்கவோ கூடும். 18 வயதுக்கு குறைவானவர்களை அவர்களின் இயல்புக்கு மீறி நடிக்க வைப்பதும் அவர்கள் மனநிலையை பாதிக்கச் செய்யும். எனவே இதுகுறித்து கடுமையான விதிமுறைகள் வகுக்க ஆணையம் அரசுக்கு பரிந்துரை செய்யும். இவ்வாறு சரஸ்வதி கூறினார்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி
• 
  ஓட்டு கூட போடாத திரைப்பிரபலங்கள்...!
• 
  விஜய்யைக் காப்பியடிக்கும் விஷால் : ரசிகர்கள் கிண்டல்
• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்