Dinamalar

சிக்கலில் இருந்து மீண்ட ஸ்ருதிஹாசன்...வழக்கை வாபஸ் பெற்ற பட நிறுவனம்...

நான் ஈ, வல்லவனுக்கு புல்லும் ஆயுதம் உட்ப பல வெற்றிப்படங்களைத் தயாரித்த பட நிறுவனம் - பிவிபி. இதன் இன்னொரு பெயர் 'பிக்சர் ஹவுஸ் மீடியா'.

இந்த நிறுவனம் கார்த்தி, நாகார்ஜுனா இருவரையும் நடிக்க வைத்து தமிழ், தெலுங்கு என இரண்டு மொழிகளில் ஒரு படத்தை தயாரித்து வருகிறது.

இப்படத்திற்கு ஹைதராபாத்திலும் பிறகு சென்னையிலும் என இரண்டுமுறை பூஜைகள் நடைபெற்றன. கார்த்திக்கு ஜோடியாக இப்படத்தில் நடிக்க ஒப்புக்கொண்டிருந்த ஸ்ருதிஹாசன் ஒப்பந்தத்தில் கையெழுத்திட்டு கால்ஷீட்டையும் கொடுத்த பிறகு திடீரென இப்படத்திலிருந்து விலகினார். கார்த்தி படத்துக்குக் கொடுத்த தேதிகளை புலி படத்திற்கு ஒதுக்கிவிட்டதால் படத்திலிருந்து விலகியதாக தகவல் வெளியானது. விஜய்யுடன் புலி படத்திலும் அதையடுத்து அஜித்துக்கு ஜோடியாக தல 56 படத்திலும் நடிக்கிறார் ஸ்ருதி ஹாசன். இந்தநிலையில் கார்த்தி உடன் நடித்தால் உன்னுடைய இமேஜ் பாதிக்கும் என்று அவரது நலம்விரும்பிகள் அட்வைஸ் செய்தனராம்.

எனவேதான் அந்தப் படத்திலிருந்து விலகினார் என்று தகவல் வெளியானது. படத்திலிருந்து விலகியதால் 'பிக்சர் ஹவுஸ் மீடியா' நிறுவனம் ஸ்ருதிஹாசன் மீது ஹைதராபாத் சிட்டி சிவில் கோர்ட்டில் வழக்கு தொடர்ந்தது. வழக்கை விசாரித்த நீதிபதி ஸ்ருதிஹாஸன் புதிய படங்களில் நடிக்க தடைவிதித்தார். சில தினங்களுக்கு முன் தன் மீதான தடையை விலக்கும்படி கோர்ட்டில் மனு செய்தார் ஸ்ருதி! இந்நிலையில் தென் இந்திய நடிகர் சங்க தலைவர் சரத்குமார், தமிழ் திரைப்பட தயாரிப்பாளர் சங்க தலைவர் 'கலைப்புலி' எஸ்.தாணு, மற்றும் தயாரிப்பாளர் சங்க நிர்வாகிகள் 'பிக்சர் ஹவுஸ் மீடியா' நிர்வாகத்தினரிடம் பேசினர். அதைத்தொடர்ந்து ஸ்ருதி ஹாசன் மீது தொடரப்பட்டிருந்த வழக்கை 'பிக்சர் ஹவுஸ் மீடியா' நிறுவனம் வாபஸ் பெற்றுக் கொண்டுள்ளது. இதனை தொடர்ந்து ஸ்ருதி ஹாசன் இனி புதுப்படங்களில் நடிக்க தடை இருக்காது.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• வரவிருக்கும் படங்கள்
• டுவிட்டர்

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி
• 
  அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : ...
• 
  பிளாஷ்பேக்: நடிகையை திருமணம் செய்த முதல் இயக்குனர்