'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
பாரதிராஜா இயக்கிய தாஜ்மஹால் படத்தின் மூலம் தமிழ் சினிமாவில் ஹீரோயினாக அறிமுகமானவர் நடிகை ரியா சென். இவர், மாஜி இந்தி ஹீரோயின் மூன்மூன் சென்னின் மகள் ஆவார். தொடர்ந்து பிரஷாந்த்துடன் குட்லக், அர்ஜூனுடன் அரசாட்சி போன்ற படங்களில் நடித்தார். அதன்பின்னர் தமிழில் போதிய வாய்ப்புகள் இல்லை. இதனால் இந்தி திரையுலகிற்கு சென்றார். அங்கு பல படங்களில் நடித்து பிரபலமானார் ரியாசென்.
ரியாசென், மும்பையில் அடுக்குமாடி குடியிருப்பு ஒன்றில் தனது தாயுடன் வசித்து வருகிறார். நேற்று இரவு திடீரென இவர்களது வீடு தீப்பிடித்தது. வீட்டில் தூங்கி கொண்டிருந்த இருவரும் தீ பரவுவதை பார்த்து அலறியடித்து வௌியே வந்தனர். கட்டில், மெத்தை, உள்ளிட்ட பொருட்களிலும் தீப்பிடித்தது. மேலும் தீ பக்கத்து வீட்டிற்கும் பரவியது. பின்னர் விபத்து குறித்து உடனடியாக தீயணைப்பு துறைக்கு தகவல் தெரிவிக்கப்பட்டது. தீயணைப்பு வீரர்கள் உடனடியாக வந்து தீயை அணைத்து கட்டுக்குள் கொண்டு வந்தனர். ஏசியில் ஏற்பட்ட மின்கசிவால் தீ விபத்து ஏற்பட்டது கண்டுபிடிக்கப்பட்டது. அதிர்ஷ்டவசமாக ரியா சென்னும் அவரது தாய் மூன்மூன் சென்னும் உயிர் தப்பினர்.