Dinamalar

20 வருடம் கழித்து மோகன்லால் - பிரபு மீண்டும் இணையும் 'புலி முருகன்'..!

1996ல் பிரியதர்ஷன் இயக்கத்தில் மலையாளத்தில் வெளியான 'காலாபாணி' திரைப்படம் மிகப்பெரிய தாக்கத்தை ஏற்படுத்தியது. வெள்ளைக்காரர் ஆட்சியின்போது கைது செய்யப்பட்டு அந்தமான சிறைச்சாலைகளில் கைதிகளாக அடைக்கப்பட்டு நமது மக்கள் எப்படியெல்லாம் சித்திரவதை அனுபவித்திருப்பார்கள் என்பதை நெஞ்சில் உரைக்கும் விதமாக சொன்ன படம் அது. அந்தமானில் சிக்கிய கைதிகளில் மலையாளியாக மோகன்லாலும், தமிழனாக இளையதிலகம் பிரபுவும் நடித்திருந்தனர்.

சீரியசான படம் என்றாலும் சியில் இருந்து இவர்கள் இருவரும் இணைந்து தப்பிக்கும் காட்சிகள் நகைச்சுவையாகவும் அதேசமயம் த்ரில்லிங்காகவும் இருந்தன.தமிழில் இந்தப்படம் 'சிறைச்சாலை' என்கிற பெயரில் மொழிமாற்றம் செய்யப்பட்டு இங்கேயும் வரவேற்பை பெற்றது. இந்தப்படம் மூன்று தேசிய விருதுகளையும் பெற்றது.

இப்போது கிட்டத்தட்ட 20 வருடங்கள் கழித்து மோகன்லாலும் பிரபுவும் மீண்டும் ஒரு மலையாளப்படத்தில் இணைந்து நடிக்கின்றனர். இது ஏற்கனவே மோகன்லால் நடிப்பதாக கமிட் ஆகி, மே மாதம் ஷூட்டிங் செல்வதற்காக காத்திருக்கும் 'புலி முருகன்' படம் தான். விஷுதன், கஸின்ஸ் ஆகிய படங்களை இயக்கிய விகாஷ் தான் இந்தப்படத்தை இயக்குகிறார். இந்த புலி முருகன் படத்திற்கு சிபி கே.தாமஸ் - உதயகிருஷ்ணா என்கிற நட்சத்திர எழுத்தாளர் கூட்டணியில் உள்ள உதயகிருஷ்ணா தனியாகவே கதை எழுதுகிறார்.

• இவரை பற்றி
• செய்திகள்
• வீடியோ
• வந்த படங்கள்

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்