Dinamalar

மகன்களை ஹீரோவாக்கிய வீரத்தாய்

எல்லா அம்மாக்களுக்குமே தங்கள் மகன்கள் ஹீரோக்களாகத்தான் தெரிவார்கள். ஆனால் ஒரு அம்மா தன் மகன்களை ஹீரோவாக உருவாக்கி இருக்கிறார். அந்த அம்மா சண்டை இயக்குனர் ஸ்டண்ட் சிவாவின் மனைவி லேனி ஹூ. ஹீரோக்களாகி இருப்பவர்கள் அவரது மகன்கள் கெவின், ஸ்டீபன்.

கராத்தேகாரன் என்ற படத்தில்தான் கெவினும், ஸ்டீபனும் ஹீரோக்களாக அறிமுகமாகிறார்கள். இவர்களின் அம்மா லேனி ஹூ மகன்களுக்காக கதை, திரைக்கதை எழுதி தானே படத்தை தயாரிப்பதோடு. ஒரு முக்கிய கேரக்டரில் நடிக்கவும் செய்கிறார். படத்தை இயக்குகிறவர் கணவர் ஸ்டணட் சிவா.

இதுபற்றி லேனி ஹூ கூறியதாவது: எங்க தாத்தா பச்சை தமிழர். நான் கராத்தேவில் பிளாக் பெல்ட் வாங்கியிருக்கிறேன். என் கணவர் ஸ்ட்ண்ட் இயக்குனராக இருக்கிறார். இந்த சண்டை வாழ்க்கை நம்மோடு போகட்டும் மகன்களை பெரிய படிப்பு படிக்க வைக்கத்தான் ஆசைப் பட்டோம். ஆனால் அவர்கள் ரத்த்திலும் சண்டை கலைதான் இருக்கிறது என்பதை கண்டுபிடித்தோம். அவர்கள் திறமையை வெளிக்கொண்டு வரும் வகையில் ஒரு படம் தயாரிக்க முடிவு செய்தோம். அப்போது ஜாக்கிசானின் கராத்தே கிட் படம் வந்து வெற்றி பெற்றதால் அதை இன்ஸ்பிரேஷனாக எடுத்துக் கொண்டு அப்படி ஒரு படத்துக்கு மகன்களை தயார் செய்தேன்.

நானே அவர்களுக்கு பயிற்சி கொடுத்தேன். 3 வருட பயிற்சிக்கு பிறகு இப்போது நடிக்கிறார்கள்.

வீரமான சிறுவர்கள், பெண்களின் சாகசத்தை ஹாலிவுட் படங்களில்தான் பார்க்கிறோம். அப்படி ஒரு படத்தை நம்மாலும் தர முடியும் என்பதை நிரூபிப்போம். மகன்களுக்கு பயிற்சி அளித்த நான்தான் படத்திலும் அவர்களுக்கு பயிற்சிளிக்கும் கோச்சராகவும் நடிக்கிறேன். என்றார்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்