'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
நேரம், ஜிகர்தண்டா படங்களின் வெற்றி காரணமாக அந்த படங்களில் வில்லனாக நடித்திருந்த பாபி சிம்ஹாவின் மார்க்கெட் கிடுகிடுவென்று உயர்ந்தது. அதனால் தற்போது நான்கைந்து படங்களில் அவர் ஹீரோவாக நடித்துக்கொண்டிருக்கிறார். அந்த படங்களும் பாபி சிம்ஹாவின் மார்க்கெட்டை கருத்தில் கொண்டு அதிகப்படியான பட்ஜெட்டில் தயாராகி வருகின்றன. ஆனால், நேரம் படத்தில் நடிப்பதற்கு முன்பு பாபி சிம்ஹா நாயகனாக நடித்த சென்னை உங்களை அன்புடன் வரவேற்கிறது என்ற படம் கடந்த மாதமே திரைக்கு வர தயாரானது. அதோடு அப்படத்தைப் பார்த்த பாரதிராஜா, கே.பாக்யராஜ் ஆகியோர் மிகச்சிறந்த படம் என்றும் சர்டிபிகேட் கொடுத்தனர்.
அதனால் இந்த படம் வெளிவந்தால் பாபிசிம்ஹாவின் மார்க்கெட இன்னும் எகிறிவிடும் என்றுதான் எதிர்பார்க்கப்பட்டது. ஆனால், பாபி சிம்ஹாவை அப்படத்துக்கு டப்பிங் பேச அழைத்தபோது, தனக்கு மேற்கொண்டும் கூடுதலாக பணம் தரவேண்டும் என்கிறாராம். ஆனால், படத்தை இயக்கி தயாரித்த மருதுபாண்டியனோ, முதலில் பேசிக்கொடுங்கள். படத்தை விற்பனை செய்து விட்டு தருகிறேன் என்கிறாராம். இன்னும் அவர்களுக்கிடையே உடன்படிக்கை ஏற்படவில்லை என்று கூறப்படுகிறது.
ஆக, என்னதான் ஹீரோவாக நடித்தபோதும் இன்னும் மனதளவில் வில்லனாகத்தான் இருக்கிறாராம் பாபி சிம்ஹா.