தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
புகைப்பிடிக்கும் பழக்கத்துக்கு எதிரான பிரச்சாரம் பல வழிகளிலும் செய்யப்பட்டு வருகிறது. கடந்த சில வருடங்களாக திரைப்படங்களில் புகைப்பிடிக்கும் காட்சி இடம்பெற்றால் புகைபிடிப்பது உடல் நலத்துக்கு தீங்கு விளைவிக்கும் என்ற வாசகம் இடம்பெறுகிறது. இந்நிலையில் புகைப்பிடிக்கும் பழக்கத்துக்கு எதிரான பிரச்சாரத்தை பிரபலமானவர்களும் செய்ய ஆரம்பித்துள்ளனர். இந்தப் பட்டியலில் அண்மையில் சேர்ந்தவர்... நடிகை லட்சுமிமேனன்.
நீங்கள் புகைபிடிப்பதை நிறுத்தினால் நானும் என்னிடமுள்ள சில கெட்ட பழக்கங்களை கைவிடுகிறேன் என்ற வாசகங்கள் கொண்ட போர்டை நடிகை லட்சுமிமேனன் கையில் பிடித்தபிடி இருந்த புகைப்படம் ஒன்று கடந்த சில நாட்களாக இணையதளங்களில் வெளிவந்தது. சமூகவலைத்தளங்களிலும் பலரால் பகிரப்பட்டது. இந்த புகைப்படம் குறித்து பல இணையதளங்களில் செய்தியும் வெளியானது.
லட்சுமிமேனன் செய்த இந்த காரியம் திரையுலகத்தில் பெரிய வரவேற்பைப் பெற்றுள்ளது மட்டுமல்ல மற்றவர்களுக்கும் தூண்டுகோலாக அமைந்துள்ளது. நடிகை லட்சுமிமேனனைத் தொடர்ந்து விஜய் டிவியில் நிகழ்ச்சித்தொகுப்பாளராக திவ்யதர்ஷினியும் (டிடி) போர்டு ஒன்றை கையில் பிடித்தபடி இருக்கும் படம் ஒன்று தற்போது ட்விட்டரில் பரவி வருகிறது. நீங்கள் புகைபிடிப்பதை நிறுத்தினால் நான் ஷாப்பிங் செய்வதை நிறுத்துகிறேன் என அந்த போர்டில் சமூக அக்கறையுடன் அதே நேரம் நகைச்சுவையாகவும் வாசகங்கள் இடம்பெற்றிருக்கின்றன.
லட்சுமிமேனன், டிடியைத் தொடர்ந்து மேலும் பல பிரபலங்கள் இதுபோன்ற விழிப்புணர்வு பிரச்சாரத்தில் ஈடுபடுவார்கள் என்று தெரிகிறது.