ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
பொதுவாக ஒரு மொழியில் ஹிட்டான படங்கள், தங்கள் மொழியை தவிர்த்து, மற்ற ஒன்றோ அல்லது இரண்டோ மொழிகளில் ரீமேக் ஆவதுதான் வழக்கம்.. ஆனால் மலையாளத்தில் ஹிட்டாகும் சில கதைகள் இந்தி உட்பட மற்ற மூன்று தென்னிந்திய மொழிகளிலும் ரீமேக் ஆகி அங்கேயும் வெற்றி வாகை சூடுகிறதென்றால் அது அசைக்கமுடியாத அந்த கதையின் பலத்தினால் தான். இதற்கு முன் 'பாடிகார்டு' மற்றும் சமீபத்தில் 'த்ரிஷ்யம்' என இடண்டு படங்களும் மற்ற நான்கு மொழிகளிலும் ரீமேக் ஆகியது அதன் 'எவர்கிரீன்' கதையமைப்பினால் தான்.
மலையாளத்தில் இருந்து கடந்த வருடம் வெளியான வெளியான 'வெள்ளிமூங்கா' இப்போது அந்த பட்டியலில் இடம்பிடித்துள்ளது. நாற்பது வயதாகியும் திருமணமாகாத பிரம்மச்சாரி ஒருவர் 22 வயதான இளம்பெண்ணை, அதுவும் தன்னுடன் படித்த தோழியின் மகளை காதலித்து திருமணம் செய்வதுதான் கதை. இதில் கூடவே அரசியல் நையாண்டியும் சேர்த்திருந்தார்கள். இந்த இரண்டு அம்சமும் எந்த மொழிக்கும் பொருந்த கூடியதுதான்.
என்ன, கதைக்கு உயிர்கொடுப்பதற்கேற்ற ஹீரோ.. இல்லையில்லை ஒரு நல்ல நடிகர் தான் வேண்டும். அப்படி படத்தின் இயக்குனர் ஜிபு ஜேக்கப்பிற்கு பிஜுமேனன் கிடைத்ததால் தான் 'வெளிமூங்கா'வின் வெற்றி இந்த அளவுக்கு சாத்தியமானது. தமிழில் இந்தப்படத்தின் ரீமேக்கில் சுந்தர்.சி நடிக்க இருக்கிறார்.. அவரைத்தவிர அந்த கேரக்டரில் நடிக்க தமிழில் வேறு நபர்களும் தென்படவில்லை. அதேபோல இப்போது இந்தப்படம் கன்னடத்திலும் ரீமேக் ஆக இருக்கிறது. இதன் கன்னட ரீமேக் உரிமையை சந்தோஷ் கைத்தப்புரம் என்பவர் வாங்கியுள்ளார். மேலும் தெலுங்கு, மற்றும் இந்தியிலும் இதன் ரீமேக்கிற்கான பேரம் நடந்து வருகிறது.