இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
'பாண்டிய நாடு' வெற்றிப் படத்தைத் தொடர்ந்து இயக்குனர் சுசீந்திரன், விஷால் மீண்டும் இணையும் படத்தின் படப்பிடிப்பு இன்று முதல் ஆரம்பமாகிறது. இப்படத்தின் படப்பிடிப்பு ஜனவரி மாதக் கடைசியிலேயே ஐதராபாத்தில் ஆரம்பமாவதாக இருந்தது. ஆனால், படத்தின் மொத்த ஸ்கிரிப்ட்டையும் கொடுத்த பிறகுதான் படப்பிடிப்புக்குப் போக வேண்டும் என விஷால், சுசீந்திரனிடம் சொன்னதாகத் தெரிகிறது. அதனால்தான் படப்பிடிப்பு ஒரு மாத காலம் தாதமாக ஆரம்பமாவதாகச் சொல்கிறார்கள்.
இந்தப் படத்தில் விஷால் ஜோடியாக காஜல் அகர்வால் நடிக்க உள்ளார். இப்படத்தில் முதலில் லட்சுமி மேனன் விஷால் ஜோடியாக மீண்டும் நடிக்க உள்ளதாக பேசப்பட்டது. அதன் பின் காஜல் அகர்வால்தான் படத்தின் ஹீரோயின் என்று அறிவித்தார்கள். படத்திற்கு இமான் இசையமைக்கிறார். விஷால் நடித்து அடுத்தடுத்து வெளிவந்த 'நான் சிகப்பு மனிதன், பூஜை, ஆம்பள' ஆகிய படங்களின் வெற்றியை 'பாண்டிய நாடு' படத்தின் வெற்றியுடன் ஒப்பிடும் போது மிகவும் குறைவாகவே இருந்ததால் இந்த புதிய படத்தில் மிகவும் கவனமாக இருக்கிறாராம்.
'பாண்டிய நாடு' படத்திற்கு முன்னர் விஷால் நடித்து வெளிவந்த 'பட்டத்து யானை, சமர், வெடி' ஆகிய படங்களும் கூட தோல்விப் படங்களாகவே அமைந்தன. 'பாண்டிய நாடு' படம்தான் விஷால் மார்க்கெட்டை தூக்கி நிறுத்தியது. சுசீந்திரன் இயக்கத்தில் இன்று ஆரம்பமாகும் படத்தைத் தொடர்ந்து மே மாதம் லிங்குசாமி இயக்கத்தில் 'சண்டக்கோழி 2' படத்தில் விஷால் நடிக்க உள்ளார்.