'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
தெலுங்கில் பல வெற்றிப் படங்களை இயக்கிய குணசேகர் 'ருத்ரமாதேவி' படத்தை மிகப் பிரம்மாண்டமான முறையில் இயக்கி வருகிறார். இந்தப் படம் விரைவில் வெளியாக உள்ளது. இப்படத்தின் டிரைலர்(தெலுங்கு) நேற்று மாலை வெளியிடப்பட்டது. சுமார் இரண்டு நிமிடங்கள் உள்ள இந்த டிரைலர் மிகவும் பிரம்மாண்டமாக அமைந்துள்ளது. ஒரு மாபெரும் சரித்திர கால 13ம் நூற்றாண்டுப் படமாக இந்தப் படம் உருவாக்கப்பட்டுள்ளது. அனுஷ்கா, அல்லு அர்ஜுன், பிரகாஷ்ராஜ், கேத்தரின் தெரேசா, நித்யா மேனன் மற்றும் ஏராளமான நட்சத்திரங்கள் நடித்துள்ளார்கள்.
மிகப் பெரும் எதிர்பார்ப்பை ஏற்படுத்தியுள்ள இந்தப் படத்தின் டிரைலர் நேற்று மாலை யு டியுபில் வெளியிடப்பட்டது. வெளியான சில மணி நேரங்களிலேயே சுமார் 4 லட்சத்திற்கும் மேற்பட்டோர் இந்த டிரைலரைப் பார்த்துள்ளனர். இளையராஜாவின் பின்னணி இசையில் டிரைலர் மிகவும் மிரட்டலாக அமைந்துள்ளது. இன்றைய தமிழ்த் திரையுலகினரை விட, தெலுங்கு, மலையாளத் திரையுலகினர் இளையராஜா மீது மிகுந்த நம்பிக்கை வைத்துள்ளனர் என்பதையே 'ருத்ரமாதேவி' படம் காட்டுகிறது.
இது பற்றி படத்தின் இயக்குனர் குணசேகர் கூறுகையில், “மியூசிக் மாஸ்டர் இளையராஜா சார் கதை கேட்டு, ரொம்ப இன்ஸ்பியர் ஆகினாரு. இந்த மாதிரி படத்தை அடிக்கடி யாரும் எடுக்க முடியாது. நல்லா எடுங்க, உங்களுக்கு என்ன வேணுமோ கேளுங்க குணா, நான் தர்றேன்னு சொன்னாரு. பாடல் பதிவிற்கே ஹங்கேரியில இருந்து இசைக் கலைஞர்களை வரவைச்சி பண்ணிக் கொடுத்தாரு. பாடல்கள் எல்லாம் அருமையா வந்திருக்கு. சரித்திரப் படம்கறதால இளையராஜா சார் இந்தப் படத்தை ரொம்ப பெருமையோட இசையமைக்கணும்னு எனக்கும் பல ஆலோசனைகள் கொடுத்தாரு. பின்னணி இசையையும் லண்டன் இசைக் கலைஞர்களை வச்சி பண்ணிக்கிட்டிருக்கோம்,” என்றார் குணசேகர்.