ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
அஜீத் - ஷாலினி தம்பதியருக்கு ஆண் குழந்தை பிறந்துள்ளது. குழந்தை நட்சத்திரமாக சினிமாவில் வலம் வந்த ஷாலினி, காதலுக்கு மரியாதை படத்தின் மூலம் தமிழ் சினிமாவில் ஹீரோயினாக அறிமுகமானார். அமர்க்களம் படத்தில் அஜீத்துடன் நடித்த போது அவர்களுக்குள் காதல் மலர்ந்தது. இதனையடுத்து 2000-ம் ஆண்டு அஜீத்-ஷாலினி திருமணம் நடந்தது. இவர்களுக்கு 2008ம் ஆண்டு குழந்தை அழகான பெண் குழந்தை பிறந்தது. அனோஷ்கா என பெயரிடப்பட்டுள்ள அந்த குழந்தை மிகவும் சுட்டிப் பெண்.
இதனிடையே கடந்த சில மாதங்களுக்கு முன்னர் ஷாலினி மீண்டும் கர்ப்பமானார். சமீபத்தில் அஜீத்தின் என்னை அறிந்தால் படம் திரையிடப்பட்டபோது கர்ப்பிணியான ஷாலினி, தனது கணவரின் படத்தை முதல்நாள் முதல்ஷோவில் ரசிகர்களுடன் கண்டுகளித்தார். நிறைமாத கர்ப்பிணியாக இருந்த ஷாலினிக்கு இன்று அதிகாலை 4.30 மணியளவில் அழகான ஆண் குழந்தை பிறந்துள்ளது. ஷாலினியும், குழந்தையும் நலமாக இருக்கிறார்கள்.
அஜீத்-ஷாலினிக்கு ஆண் குழந்தை பிறந்துள்ளதை முன்னிட்டு ஏராளமான திரைநட்சத்திரங்கள் இந்த தம்பதியருக்கு வாழ்த்து தெரிவித்து வருகின்றனர். திரைநட்சத்திரங்களை விட அஜீத்தின் ரசிகர்கள் பேஸ்புக் மற்றும் டுவிட்டரில் வாழ்த்துக்களை குவித்து வருகின்றனர். குறிப்பாக குட்டி தல வந்தாச்சு என்று #Kuttythala என்ற பெயரில் ஒரு ஹேஷ்டாக் உருவாக்கி புதிய டிரெண்ட் உருவாக்கி உள்ளனர்.