தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
சமூக வலைத்தளங்களில் ஈடுபட ஆரம்பித்துவிட்டால் அதை விட்டு விலக முடியாத அளவிற்கு ஒரு போதை பலரிடம் ஏற்பட்டுவிட்டது. அது நட்சத்திரங்களுக்கும் விதிவிலக்கல்ல. நடிகர்களை விட நடிகைகளுக்குத்தான் சமூக வலைத்தளங்களில் வரவேற்பு அதிகம். நடிகைகள் என்று சொல்வதை விட பெண்களுக்கும் என்று கூட சேர்த்து சொல்லலாம். ஒரு பெண் தூங்கப் போகிறேன் என்று ஒரு பதிவு போட்டால் கூட அதற்கு ஆயிரம் லைக்குகள் விழும், அதுவே ஒரு ஆண் தற்கொலை செய்து கொள்ளப் போகிறேன் என பதிவு போட்டால், “சீக்கிரமா செய்து முடி, வேலை இருக்கு இல்ல” என்று மற்றவர்கள் கிண்டலடிக்கும் நிலமைதான் ஆண்களுக்கு உண்டு என்று சமூக வலைத்தளங்களிலேயே நகைச்சுவையாகப் பல பதிவுகளைப் பார்க்கலாம்.
சமந்தாவையும், டிவிட்டரையும் பிரிக்கவே முடியாது என்று சமீப காலத்தில் சொல்லப்பட்டதுதான் அதிகம். எதைப் பற்றியும் கருத்துக்களைப் பதிவிட்டு வந்தவர் திடீரென பிப்ரவர் 19ம் தேதியன்று டிவிட்டரிலிருந்து சில காலம் விலகியிருக்கப் போகிறேன் என அறிவித்தார். அதைத் தொடர்ந்து அவர் ஏன் டிவிட்டரை விட்டு விலகினார் என்பதே செய்தியாகி பலரும் அதைப் பற்றிக் கருத்துக்களைச் சொல்ல ஆரம்பித்தனர்
.
இதனிடையே நேற்று திடீரென மீண்டும் டிவிட்டரில் வந்து பதிவுகளைப் போட்டு அவருடைய ரசிகர்களின் ஏமாற்றத்திற்கு ஒரு முற்றுப்புள்ளி வைத்தார். “உங்கள் பதில் டிவீட்டுகளால் மகிழ்ச்சியடைந்தேன். இதற்கு மேல் எதுவும் கேட்கப் போவதில்லை. யாரோ ஒருவர் அதிகமாகப் பேசிக் கொண்டேயிருந்தார், அதைப் பற்றி மட்டும்தான் நான் இப்போது சொல்ல முடியும்,” என்று டிவிட்டரை விட்டு தற்காலிகமாக விலகியதற்கான காரணத்தையும் சமந்தா கூறியிருக்கிறார்.
தற்போது மீண்டும் பழையபடி டிவிட்டரில் பரபரப்பாக இயங்க ஆரம்பித்துவிட்டார்.