டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
மும்பை:பிரபலமான ஈரான் திரைப்பட இயக்குனர் மஜித் மஜிதி இயக்கும் படத்துக்கு, ஏ.ஆர்.ரஹ்மான் இசையமைத்துள்ளார்.
தமிழ், தெலுங்கு, இந்தி உள்ளிட்ட ஏராளமான மொழி திரைப்படங்களுக்கு இசையமைத்துள்ளவர், ஏ.ஆர்.ரஹ்மான். 'ஸ்லம்டாக் மில்லினர்' என்ற ஆங்கிலப் படத்துக்கு இசை அமைத்ததன் மூலம், ஆஸ்கர் விருதையும் பெற்றார். சில மாதங்களுக்கு முன், ஈரானிய மொழி திரைப்பட இயக்குனரான மஜித் மஜிதியை சந்தித்து பேசினார். மஜிதி, ஈரான் மொழியில் வெளியாகி, உலகம் முழுவதும் பாராட்டை பெற்ற, 'சில்ரன் ஆப் ஹெவன், தி கலர் பாரடைஸ்' போன்ற படங்களை இயக்கியவர். இவரின் சில படங்களுக்கான இசைப் பதிவு, சென்னையில் நடந்தது.
ரஹ்மானுடனான சந்திப்பின்போது, 'நீங்கள் மேற்கத்திய இசையையும், மேற்கத்திய இசைக் கருவிகளையும் அதிகம் பயன்படுத்துவது ஏன்? உங்கள் பாரம்பரிய இசைக் கருவிகளையும் பயன்படுத்தலாமே' என, மஜிதி கேள்வி எழுப்பினார். அதற்கு பதில் அளித்த ரஹ்மான், 'வாய்ப்பு வரும் போது, இந்திய பாரம்பரிய இசைக்கு முக்கியத்துவம் அளிப்பேன்' என்றார்.
இந்நிலையில், மஜிதி இயக்கும் புதிய ஈரான் படத்துக்கு, ஏ.ஆர்.ரஹ்மான், தற்போது இசை அமைத்து வருகிறார். இதற்கான பாடல் பதிவு, பிரான்சின், பாரீஸ் நகரில் சமீபத்தில் நடந்தது.
இது தொடர்பான புகைப்படத்தை ரஹ்மான், தன் சமூக வலைதளத்தில் வெளியிட்டு உள்ளார்.
'சில்ரன் ஆப் ஹெவன்':*மஜித் மஜிதி இயக்கி, 1997ல் வெளியான, 'சில்ரன் ஆப் ஹெவன்' படம், சிறந்த வெளிநாட்டுப் படத்துக்கான ஆஸ்கர் விருதைப் பெற்றது.
*ஏழைக் குடும்பத்தைச் சேர்ந்த ஒரு சகோதரனுக்கும், சகோதரிக்கும் இடையேயான அன்பை வெளிப்படுத்தும் கதையை மையமாக வைத்து எடுக்கப்பட்டது.
*சகோதரியின் காலணி தொலைந்து போவதால் ஏற்படும் பிரச்னைகளையும், அதை சமாளிப்பதற்காக இருவரும் மேற்கொள்ளும் தந்திரங்களையும், ஈரானில் நிலவும், ஏழை - பணக்காரக் குடும்பப் பாகுபாட்டையும் இந்த படம் வெளிச்சம் போட்டு காட்டியது.
*இந்த படத்துக்கு பின் தான், ஈரான் படங்களுக்கு சர்வதேச அளவில் மரியாதை கிடைத்தது.
*மற்ற மொழிகளைச் சேர்ந்த திரைப்படத் துறையினர், ஈரான் படங்களை காப்பியடித்து படம் எடுக்கும் நடைமுறையும் உருவானது.