டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
கலைஞன் வியாபாரியாக மாறும்போது கலைஞன் காணாமல் போய்விடுகிறான் என்று சொல்வார்கள். அது இன்றைய இயக்குநர்கள் பலருக்கும் பொருந்தும். ஒரு படத்தில் வெற்றி கிடைத்ததும் உடனே அடுத்தப்படத்தில் தானே தயாரிப்பாளராகி பணத்தை அள்ள ஆசைப்படுகிறார்கள். இந்த பட்டியலில் மூடர்கூடம் பட இயக்குநர் நவீனும் சேர்ந்துவிட்டார்.
2013 ஆம் ஆண்டு வெளிவந்து பலரது பாராட்டுக்களை மட்டுமல்ல வசூலையும் அள்ளிக்குவித்த படம் மூடர்கூடம். ஒயிட் ஷேடோஸ் புரொடக்ஷன்ஸ் என்ற பட நிறுவனம் மூலம் இப்படத்தை தானே தயாரித்து இயக்கினார் புதுமுக இயக்குநரான எஸ்.நவீன். தன் உறவினர்களிடம் பணம் கடன் வாங்கி, சென்ட்ராயன், ராஜாஜி, குபேரன் என அதிகம் பிரபலமடையாத நடிகர்களை வைத்து தானும் ஒரு கதாபாத்திரத்தில் நடித்து மூடர்கூடம் படத்தை எடுத்தார்.
சின்ன பட்ஜெட்டில் எடுக்கப்பட்ட இப்படத்தை பாண்டிராஜ் வாங்கி வெளியிட்டார். செமத்தியாய் லாபம் பார்த்தார். இப்படத்தைத் தொடர்ந்து நவீன் அடுத்த படத்தை இயக்குவார் என நினைத்தால்,, இயக்கத்தை ஓரம்கட்டி வைத்துவிட்டு சத்தமில்லாமல் ஒரு படத்தை தயாரிக்கும் வேலைகளில் இறங்கிவிட்டார். அவரிடம் அசோஷியேட்டாக இருந்த தனராம் சரவணனை இயக்குநராக்கி அந்தப்படத்தை நவீன் தயாரிக்கிறார்.
மூடர்கூடம் ராஜாஜி ஹீரவாக நடிக்கும் இப்படத்தில் இயக்குனர் சமுத்திரக்கனியும் முக்கிய வேடத்தில் நடிக்கிறார். மூடர்கூடம் படத்தைப்போல் இதுவும் பிளாக் காமெடிப் படமா? கிராமத்துப் பின்னணியில் அனைத்துத் தரப்பு ரசிகர்களையும் கவரும் வகையில் இந்தப்படம் இருக்கும் என்கிறார்கள்.