பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
தமன்னா தற்போது ஆர்யா ஜோடியாக 'வாசுவும் சரவணனும் ஒண்ணா படிச்சவங்க' என்ற படத்தில் நாயகியாக நடித்துக் கொண்டிருக்கிறார். இப்படத்திற்காக அவருடைய தோற்றத்தைக் கொஞ்சம் குண்டாகத் தெரிய வேண்டும் என்பதற்காக 'வெயிட்' போட்டிருக்கிறாராம். 'பாகுபலி' படத்திற்காக உடலை இளைத்து சரியான எடையுடன் இருந்தவர் தற்போது படத்திற்காக குண்டாக மாறியிருப்பது ஆச்சரியமளிப்பதாக உள்ளது. பொதுவாக ஹீரோக்கள்தான் நடிப்பிற்காக உடலை ஏற்றுவதும், குறைப்பதும் என செய்வார்கள். அதிலும் கமல்ஹாசன், விக்ரம் போன்றோர்தான் அதையும் அதிகமாகச் செய்வது வழக்கம். தற்போது அவர்களைப் போல் தமன்னாவும் அவருடைய எடையை அதிகரித்திருக்கிறார் என்கிறார்கள்.
தமிழில் கடைசியாக அஜித் ஜோடியாக 'வீரம்' படத்தில் நடித்தார் தமன்னா. அதன் பின் கடந்த வருடம் எந்த ஒரு தமிழ்ப் படத்திலும் அவர் நடிக்கவில்லை. ஆர்யா ஜோடியாக அவர் நடிப்பதும் இதுவே முதல் முறை. இந்தப் படத்தைத் தவிர அவர் தற்போது, ஒரு தெலுங்குப் படத்தில் மட்டுமே நடிக்க ஒப்பந்தமாகியுள்ளார். அவர் நடித்துள்ள 'பாகுபலி' திரைப்படம் விரைவில் வெளியாக உள்ளது.
தமிழ் சினிமாவில் தொடர்ந்து பல வெற்றிப் படங்களில் நடித்து வந்த தமன்னா திடீரென தமிழ்ப் படங்களில் நடிப்பதைத் தவிர்த்து வந்தார். அவராகவே தவிர்க்கவில்லை, சில நிர்ப்பந்தங்கள்தான் அவரைத் தமிழ் சினிமாவில் நடிக்கவில்லை என்றும் செய்திகள் வெளியாகின. அதன் பின் அஜித் தான் தமன்னாவிற்கு மீண்டும் மறு பிரவேசம் கொடுத்தார் என்பது குறிப்பிடத்தக்கது.