பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
நடிகர் ரஜினிகாந்ந்தின் மூத்த மருமகன் தனுஷ் என்பது எல்லோருக்கும் தெரியும். ஆனால் இதுவரை தான் ஒரு சூப்பர் ஸ்டாரின் மருமகன் என்று எங்கும் காட்டி கொண்டதில்லை. சினிமாவில் தனக்கு ஒரு பாணியை உருவாக்கி உயர பறந்து கொண்டிருக்கிறார்.
தமிழ் சினிமாவில் மட்டுமே பிரபலமாக இருந்த தனுஷ், கொலவெறி பாடல் மூலமாக உலகம் முழுக்க பிரபலமானார். அதன்வௌிப்பாடாக பாலிவுட்டிலும் அவருக்கு வாய்ப்பு கிடைத்து, ராஞ்சனா என்ற இந்தி படத்தில் நடித்து வெற்றி பெற்றார். தொடர்ந்து பாலிவுட்டில் தனது இரண்டாவது படமாக ஷமிதாப் என்ற படத்தில் நடித்துள்ளார்.
பால்கி இயக்கியுள்ள இப்படத்தில் தனுஷூடன் அமிதாப் பச்சன், அக்ஷ்ரா ஆகியோர் நடித்துள்ளனர். இப்படத்தின் இசை வௌியீட்டு விழா மும்பையில் நடந்தது. அத்துடன், இப்படத்தின் இசையமைப்பாளரான இளையராஜாவுக்கு, ஆயிரம் படங்களுக்கு இசையமைத்தற்காக பாராட்டு விழாவும் நடந்தது. இதில் அமிதாப் உடன் ரஜினி, கமல் உள்ளிட்ட பல பிரபலங்கள் பங்கேற்றனர்.
விழாவில் தனுஷ் பேசுகையில், இந்த விழாவிற்கு வந்ததற்காக ரஜினி சாருக்கு முதலில் என் நன்றியை தெரிவித்து கொள்கிறேன். ஷமிதாப் படத்திற்கு நான் ஒப்பந்தமானபோது எனக்கு தெரியாது, இந்தமாதிரி விழா எல்லாம் நடக்கும், ரஜினி எல்லாம் வருவார் என்று... என் வாழ்க்கையில் நான் எதிர்பார்க்காத ஒன்று நடந்துள்ளது, அதை எண்ணும்போது மகிழ்ச்சியாக உள்ளது என்றார்.