Dinamalar

இளையராஜாவுக்கு மும்பையில் விழா - ரஜினி, கமல், அமிதாப் பங்கேற்பு

1000 படங்களுக்கு இசையமைத்த இளையராஜாவுக்கு, மும்பையில் பாராட்டு விழா நடந்தது. இயக்குநர் பால்கி ஏற்பாடு செய்திருந்த இந்த விழாவில் நடிகர்கள் அமிதாப் பச்சன், ரஜினிகாந்த், கமல்ஹாசன் உள்ளிட்டோர் பங்கேற்று இளையராஜாவுடன் தாங்கள் பணியாற்றிய படங்கள் குறித்து தங்களது மலரும் நினைவுகளை பகிர்ந்து கொண்டனர்.

''அன்னக்கிளி'' படத்தின் மூலம் இசையமைப்பாளராக அறிமுகமானவர் இளையராஜா. தனது மயக்கும் இசையால் ரசிகர்களை கொள்ளை கொண்டவர், தமிழ், மலையாளம், தெலுங்கு, கன்னடம், இந்தி, மராத்தி, ஆங்கிலம் உள்ளிட்ட பல்வேறு மொழி படங்களுக்கு இசையமைத்துள்ளார். 40 ஆண்டுகளாக சினிமாவில் இருந்து வரும் இளையராஜா இப்போது 1000-மாவது படத்திற்கு இசையமைத்து உள்ளார். பாலாவின், தாரை தப்பட்டை படம், இளையராஜாவுக்கு 1000-மாவது படமாகும்.

இதையொட்டி அவரை கவுரவிக்க முடிவு செய்தார் பிரபல பாலிவுட் இயக்குநரும், தமிழ்நாட்டை சேர்ந்தவருமான பால்கி. அதன்படி தான் இயக்கியுள்ள ஷமிதாப் படத்தின் ஆடியோ வௌியீட்டு விழாவுடன், இப்படத்தின் இசையமைப்பாளருமான இளையராஜாவுக்கும் பாராட்டு விழா நடத்திவிட்டார் பால்கி. மும்பையில் நடந்த இந்த விழாவில் நடிகர்கள் அமிதாப் பச்சன், ரஜினிகாந்த், கமல்ஹாசன், ஸ்ரீதேவி உள்ளிட்ட பல திரையுலக பிரபலங்கள் கலந்து கொண்டனர்.

இளையராஜாவுக்கு பொன்னாடை போர்த்தி கவுரவித்தார் அமிதாப், தொடர்ந்து நடிகர்கள் ரஜினி மற்றும் கமல் ஆகியோர் இளையராஜாவுக்கு நினைவுப்பரிசு வழங்கினர்.

மேலும் இளையராஜாவுடன் தாங்கள் பணியாற்றிய விதம் குறித்து தங்களது மலரும் நினைவுகளையும் மேடையில் பகிர்ந்து கொண்டனர் அமிதாப், ரஜினி, கமல்.

இந்த விழாவில், அமிதாப், ரஜினி, கமல் தவிர்த்து அபிஷேக் பச்சன், ஐஸ்வர்யா ராய், ஜெயா பச்சன், போனி கபூர், தனுஷ், அக்ஷ்ரா ஹாசன், ஸ்ருதிஹாசன், சரிகா உள்ளிட்ட பலரும் கலந்து கொண்டனர்.

• 
  வீர தீர சூரன் - 'டிராப்' ஆன படத்தின் பெயரில் 'விக்ரம் 62'
• 
  'புஷ்பா 2' - ஹிந்தி உரிமை இவ்வளவு விலையா?
• 
  ரூ.5 கோடி தாண்டாத தமிழ்ப் படங்கள் : ரூ.50 கோடியைக் கடந்த மலையாளப் படங்கள்
• 
  வீர தீர சூரனாக மாறிய விக்ரம்
• 
  அஜித் பிறந்தநாளில் 'விடாமுயற்சி' அப்டேட்?

• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்