Dinamalar

பீகே படத்தை எதிர்த்த மனு தள்ளுபடி:சகிப்புத்தன்மை வேண்டும் என்கிறது டில்லி ஐகோர்ட்

சமுதாயத்தில், சகிப்புத்தன்மை இல்லாமல் இருப்பது ஆபத்தானது. இதுபோன்ற நடவடிக்கைகளை முளையிலேயே கிள்ளி எறிய வேண்டும் என கூறி, பீகே படத்துக்கு எதிராக தாக்கல் செய்யப்பட்ட மனுவை, டில்லி ஐகோர்ட் தள்ளுபடி செய்தது.

பாலிவுட் நடிகர் அமீர் கான், அனுஷ்கா சர்மாவுடன் இணைந்து நடித்த, பீகே என்ற படம், பெரும் சர்ச்சையை ஏற்படுத்திஉள்ளது. இந்த படத்தில், இந்து மதத்துக்கு எதிரான காட்சிகள், வசனங்கள் இடம் பெற்றுள்ளதாகக் கூறி, படத்துக்கு தடை விதிக்கும்படி, டில்லி ஐகோர்ட்டில் மனு தாக்கல் செய்யப்பட்டிருந்தது. இந்த மனுவை விசாரித்த தலைமை நீதிபதி ரோகிணி தலைமையிலான, பெஞ்ச் பிறப்பித்த உத்தரவு:

சமீபகாலமாக, நம் நாட்டின் மதம் தொடர்பான விஷயங்களில், மக்களிடையே சகிப்புத்தன்மை குறைந்து வருகிறது. குறிப்பிட்ட சில விஷயங்களில் சகிப்புத்தன்மை அவசியம். சகிப்புத்தன்மை இல்லாமல் இருப்பது ஆபத்தான போக்கு. இதுபோன்ற நடைமுறையை முளையிலேயே கிள்ளி எறிய வேண்டும். இல்லையெனில், காட்டுத்தீ போல பரவி, நாட்டுக்கு பெரும் ஆபத்து ஏற்படும்.

இந்த மனு கூட, சகிப்புத்தன்மை இன்றி தான், தாக்கல் செய்யப்பட்டுள்ளது. நாட்டில் நடக்கும் உண்மையான விஷயங்களை, கலைஞர்கள் திரையில் பிரதிபலிப்பதற்கு நம் நாட்டின் அரசியலமைப்பு சட்டத்தில் உரிமை அளிக்கப்பட்டுள்ளது. ஒரு படத்தைப் பார்ப்பதும், பார்க்காமல் இருப்பதும், தனிப்பட்ட நபரின் உரிமை. அதில் யாரும் தலையிட முடியாது. கட்டாயமாக படம் பார்க்கும் படி, யாரும், யாரையும் வற்புறுத்தவில்லை.

இந்த படம், சர்வதேச அளவில், 600 கோடி ரூபாய் வசூலை குவித்துள்ளது. இதன் மூலம், இந்த படத்துக்கு மக்களிடையே வரவேற்பு கிடைத்துள்ளது உறுதியாகியுள்ளது.

சமூகத்தில் நடக்கும் மோசமான சம்பவங்களைத் தடுப்பது குறித்து தான், இந்த படத்தின் காட்சிகள் சித்தரிக்கப்பட்டுள்ளன. எனவே, இந்த படத்தில் இடம் பெற்றுள்ள காட்சிகளை வெட்டவோ அல்லது இந்த படத்தை வெளியிடத் தடையோ விதிக்க முடியாது. இவ்வாறு, உத்தரவிட்ட நீதிபதிகள், பீகே படத்துக்கு எதிராக தாக்கல் செய்யப்பட்ட மனுவை தள்ளுபடி செய்தனர்.

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...