பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் |
87வது ஆஸ்கர் விருதுக்கான படங்களில் ஏ.ஆர்.ரஹ்மான் படம் தேர்வான நிலையில், விருதுக்கு பரிந்துரை செய்யப்பட்ட பட்டியலில் அவரது படம் இடம்பெறவில்லை, இதனால் இந்தாண்டு ஆஸ்கர் விருது பெறும் வாய்ப்பை இழந்துள்ளார் ஏ.ஆர்.ரஹ்மான். தனது இசையால் உலகளவில் பிரபலமான தமிழகத்தை சேர்ந்த ஏ.ஆர்.ரஹ்மான், ஏற்கனவே ''தி ஸ்லம்டாக் மில்லினியர்'' படத்திற்காக இரண்டு ஆஸ்கர் விருதுகளை குவித்து இந்தியாவுக்கு பெருமை சேர்த்தார்.
இந்நிலையில், இந்தாண்டுக்கான ஆஸ்கர் விருது வழங்கும் விழா வருகிற பிப்ரவரி 22ம் தேதி நடைபெற இருக்கிறது. முன்னதாக சிறந்த இசையமைப்பிற்கான விருதுக்கு ஏ.ஆர்.ரஹ்மான் இசையமைத்த தி ஹன்ட்ரட் புட் ஜர்னி, மில்லியன் டாலர் ஆர்ம் என்ற ஹாலிவுட் படமும், ரஜினியின் கோச்சடையான் படங்கள் தேர்வாகி இருந்தன. இதனிடையே விருதுக்கான பரிந்துரை பட்டியல் வெளியிடப்பட்டுள்ளது. இதில் ரஹ்மானின் பெயர் இடம்பெறவில்லை. இதனால் மீண்டும் ஆஸ்கர் விருது பெறும் வாய்ப்பை ரஹ்மான் இழந்துள்ளார்.
தனது பெயர் விருதுக்கு பரிந்துரை செய்யப்படாதது பற்றி ரஹ்மான் எந்த கவலையும் படவில்லை. இதுகுறித்து அவர் கூறியுள்ளதாவது, விருது மீது எனக்கு எந்த எதிர்பார்ப்பும் இல்லை. என் நீண்ட பயணத்தில் இது ஒரு நிறுத்தம் என்று நினைக்கிறேன். கடவுள் என்னிடம் அன்பாக உள்ளார் என்று கூறியுள்ளார்.