Dinamalar

பாகிஸ்தானிலும் வசூல் சாதனை நிகழ்த்திய பிகே

பாலிவுட்டில் பல்வேறு வசூல் சாதனைகளை நிகழ்த்தியுள்ள அமீர் கானின், பிகே திரைப்படம், பாகிஸ்தானிலும், வசூல் சாதனையை நிகழ்த்தியுள்ளது.

ராஜ்குமார் ஹிரானி இயக்கத்தில், அமீர் கான், அனுஷ்கா சர்மா நடிப்பில் சமீபத்தில் வெளியான படம் பிகே. இந்த படத்திற்கு ஆதரவும், எதிர்ப்பும் சம அளவில் இருந்தது. படத்தை தடை செய்ய வேண்டுமென்று யோகா குரு ராம்தேவ் உள்ளிட்ட பல்வேறு அமைப்பு பிரதிநிதிகள் போர்க்கொடி உயர்த்த, படத்தில் யாரையும் புண்படுத்தவில்லை என்று அரசியல் தலைவர்களான அத்வானி, மகாராஷ்டிரா முதல்வர் தேவேந்திர பட்னாவிஸ், உத்தரபிரதேச முதல்வர் அகிலேஷ் யாதவ் உள்ளிட்டோரும், திரையுலக நட்சத்திரஙகள் உள்ளிட்டோரும் படத்திற்கு ஆதரவுக்கரம் நீட்டினர்.

பிகே படம், இந்தியாவில் மட்டும் ரூ. 300 கோடிக்கு மேல் வசூல் செய்து, உள்நாட்டில் அதிக வசூல் செய்த படம் என்ற சாதனையை நிகழ்த்தியது. அதறகு பிறகு வெளியான படங்கள், சொல்லிக்கொள்ளும்படி ஒன்றும் சிறப்பாக இல்லாததால், பிகே படத்தின் வசூல், மேலும் அதிகரிக்கும் என்று எதிர்பார்க்கப்படுகிறது.

இந்தியாவில் வசூல் சாதனை நிகழ்த்திய பிகே படம், அண்டை நாடான பாகிஸ்தானிலும், வசூல் சாதனையை நிகழ்த்தியுள்ளது.

இதுதொடர்பாக, பிவிடி லிமிடெட் நிறுவனத்தின் உயர் அதிகாரி ஹாசன் ரிஜ்வி, டான் பத்திரிகைக்கு அளித்த பேட்டியில் கூறியுள்ளதாவது, பிகே படம், வலுவான செய்தியை கூறியுள்ளது. இதன்காரணமாக, பலரும் படத்தை தொடர்ந்து பார்த்தவண்ணம் உள்ளனர். பாகிஸ்தானில், இதுவரை, பிகே படம், ரூ. 18 கோடி வசூல் செய்துள்ளதாக ரிஜ்வி அதில் குறிப்பிட்டுள்ளார்.

பாகிஸ்தானில் "வார்" என்ற திரைப்படம், ரூ.22 கோடி என்ற அளவில் வசூல் ஈட்டியுள்ளது. இதுவே, அங்கு சாதனையாக உள்ளது. இந்நிலையில், வார் படத்தின் சாதனையை முறியடிக்கும் வகையில், பிகே படம், தொடர்ந்து முன்னேறிக்கொண்டிருக்கிறது. ரூ. 15 கோடியாக இருந்த பிகே படத்தின் வசூல், கடந்த 4 நாட்களில் மட்டும், ரூ. 3 கோடி அதிகரித்துள்ளது. விரைவில், வார் படத்தின் வசூல் சாதனையை, பிகே படம் முறியடிக்கும் என்று அங்கிருந்து வரும் தகவல்கள் தெரிவிக்கின்றன.

• 
  ‛கில்லி' ரீ-ரிலீஸ் : த்ரிஷா நெகிழ்ச்சி
• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்