Dinamalar

புதிய படங்களை திருப்பி அனுப்பும் அமலாபால்!

நிமிர்ந்து நில் படத்தில் நடித்த முடித்த சமயம், அதையடுத்து சமுத்திரகனி இயக்கயிருந்த கிட்ணா படத்திலும் நடிக்க ஒப்பந்தமாகியிருந்தார் அமலாபால். அதோடு, தனுசுடன் 3 படத்தில் கமிட்டாகி கால்சீட் பிரச்னையால் ஏற்கனவே வெளியேறியிருந்தவர், பின்னர் வேலையில்லா பட்டதாரி படத்தில் நடித்துக்கொண்டிருந்தார்.

இதற்கிடையே லைலா ஓ லைலா, மிலி போன்ற மலையாள படங்களில் நடிக்கவும் அட்வான்ஸ் வாங்கியிருந்தார். இந்த நேரம்தான், தனது காதலரான டைரக்டர் ஏ.எல்.விஜய்யை திடீரென்று திருமணம் செய்து கொண்டார் அமலாபால். இந்த நிலையில், தனது கிட்ணா படத்தில் அமலாபாலுக்கு பதிலாக தன்சிகாவை சமுத்திரகனி ஒப்பந்தம் செய்தபோதிலும், மலையாள பட டைரக்டர்களோ அந்த வேடத்தில் அமலாபாலையே நடிக்க வைக்க முடிவு செய்தனர்.

அதனால், திருமணத்திற்கு பிறகு அப்படங்களில் நடித்துக்கொண்டிருக்கிறார் அமலாபால். இதில் மிலி படத்தில் வெயிட்டான வேடத்தில் நடித்து வரும் அமலாபாலை, தொடர்ந்து நடிக்க வைக்க சில மலையாள டைரக்டர்கள் அமலாபாலை அணுகி வருகிறார்களாம். ஆனால், அவரோ, இப்போதைக்கு புதிய படங்களுக்கான கதை கேட்கும் நிலையில் இல்லை. நடித்து வரும் படங்கள் வெளியான பிறகுதான் தொடர்ந்து நடிப்பதா? இல்லை சில ஆண்டுகள் இடைவெளி கொடுத்து நடிப்பதா? என்பதை முடிவு செய்வேன் என்று அவர்களை திருப்பி அனுப்பி விட்டாராம்.

அதனால் கைவசம் உள்ள படங்களுக்குப்பிறகு அமலாபால் குடும்பம், குழந்தை குட்டிகள் பெற்றுக்கொள்வதில் இறங்கி விடுவார் என்றே தெரிகிறது.

• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்
• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்

• 
  ஸ்ரீவள்ளி 2.0 ஆக என்னை பார்ப்பீர்கள் : ராஷ்மிகா நம்பிக்கை
• 
  எழுத்தாளரான இயக்குனர்
• 
  மாற்றுத் திறனாளிகளுக்கு உதவ படம் தயாரிக்கும் ராகவா லாரன்ஸ்
• 
  'அக்கரன்' வில்லங்கமான கதை : எம்.எஸ்.பாஸ்கர்
• 
  மோகனுக்காக 7 முறை மாற்றப்பட்ட கதை