Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

கனவுலக கலைஞன் -உதவி படத்தொகுப்பாளர் விஷால்

21 டிச, 2014 - 14:04 IST
எழுத்தின் அளவு:

''அந்தக்காலத்துல எம்.ஜி.ஆர்., சிவாஜியோட கருப்பு வெள்ளை படங்கள்லேயே, எங்க தாத்தா மருதுார் அப்புக்குட்டன் நாயர் குரூப் டான்ஸர். கேரள பாரம்பரிய நடனங்கள்ல, தனி முத்திரையை பதிச்சவங்க என் அம்மா. எங்க மாமா ராஜசேனனோ, மலையாளத்துல முப்பதுக்கும் மேல, வெற்றிப்படங்களை கொடுத்த ஹிட் இயக்குனர். நான் சினிமாவுல நுழைய இதுக்கு மேல காரணம் வேணுமா என்ன?'' பயோடேட்டாவையும் 'எடிட்' செய்து பில்டப் ஏற்றுகிறார் உதவி படத்தொகுப்பாளர் விஷால்.


விஷால் சென்னைக்காரரா?


''சொந்த ஊர் கேரள மாநிலம் திருவனந்தபுரம். சினிமா கனவால சென்னை வந்தேன். பிரசாத் ஸ்டுடியோவுல 'எடிட்டிங்' படிக்க வாய்ப்பு கிடைச்சது. படிச்சிட்டிருக்கும் போதே, படத்தொகுப்பாளர் ராஜா முகம்மது சார், அவர்கூட வேலை பார்க்க அனுமதிச்சார். 'அவள் பெயர் தமிழரசி' படத்துல ஆரம்பிச்சு, தமிழ், மலையாளம்னு நாற்பதுக்கும் மேற்பட்ட படங்கள்ல வேலை பார்த்தாச்சு!''


மலையாள உலகில் தமிழ் சினிமா கனவுகள் முளைத்தது எப்படி?


''ரஜினி சாரும், கமல் சாரும் தான் முதல் இன்ஸ்பிரேஷன். பாலசந்தர், பாரதிராஜா, பாக்யராஜ், மணிரத்னம், ஷங்கர், கவுதம்மேனன்னு, இங்க இருக்கற அத்தனை பேரும் எனக்கு பிடிச்ச இயக்குனர்கள். அதுமட்டுமில்லாம, மலையாளத்தை விட, தமிழ்சினிமாவுலதான் தொழில்நுட்ப கலைஞர்களுக்கு வாய்ப்புகள் அதிகம்!''


சினிமாவில் 'முதல் கனவு' ஏதாவது?


''நடிகன் ஆகணும்னு ஆசைப்பட்டேன். ஆனா, அது பெரிய விஷயம்னு தெரிஞ்சதும் 'எடிட்டர்' ஆகணும்னு கனவை மாத்திக்கிட்டேன். எடிட்டராகிட்டா, நிறைய இயக்குனர்களோட பழகலாம். அதுல யாராவது ஒருத்தர், நம்மளை அடுத்த ரஜினியாவோ, மம்முட்டியாவோ மாத்திட மாட்டாங்களான்னு, மனசுக்குள்ளே ஒரு சின்ன நப்பாசை!''


அப்போ, நடிகன் கனவு அவ்வளவுதானா?


''எந்த வேலை செஞ்சாலும், அதை முழுமையா செய்யணும் இல்லீங்களா! இந்த 'எடிட்டிங்' துறையில, நான் சாதிக்க வேண்டிய விஷயங்கள் நிறைய இருக்கும்போது, அதுக்குத்தானே நான் முதல்ல முன்னுரிமை கொடுக்கணும்!''


உங்களோட முதல் சினிமா 'எடிட்டிங்' எப்படியிருக்கும்?


''என்னோட படங்கள்ல, 'எடிட்டிங்' தனியா தெரியாது. கதைக்கு என்ன தேவையோ, அதை மட்டுமே என்னோட கத்தரி கொடுக்கும்!''


வெற்றிப்படங்களில் பணிபுரிந்தாலும், படத்தொகுப்பாளர்கள் பரவலாக பேசப்படுவது இல்லையே!


''அந்த நிலைமை இருக்கறது உண்மைதான்! படத்தோட 'புரோமோஷன்'ல நடிகர்கள், இசையமைப்பாளர், பாடலாசிரியர்'னு, அத்தனை பேரும் ஒண்ணா இருந்து 'பிரஸ் மீட்' கொடுக்கற போது, படத்தொகுப்பாளர்களையும் அறிமுகப்படுத்தி, வெளி உலகத்துக்கு அடையாளம் காட்டணும். அப்பதான் இந்த நிலைமை மாறும்!''


சினிமாவில் ஆகப்பெரிய அழகிய கனவுகள்?


''முதல்ல பொருளாதார பிரச்னையை தீர்க்கணும். அதுக்கு, நல்ல நல்ல படங்களா பண்ணணும்! அப்புறம், தனியா ஒரு ஸ்டுடியோ ஆரம்பிக்கணும்; அப்புறம் நடிக்கணும். அதுக்கப்புறம் இயக்குனர் ஆகணும். போதுமா?''போதாது விஷால்... இன்னும் பெரிய கனவுகளும், அவை நனவாகும் தருணங்களும் வாய்க்க வாழ்த்துக்கள்!

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் 2021 - தமிழ் சினிமாவின் பாதை மாறுமா? ; காத்திருக்கும் சவால்கள்! 2021 - தமிழ் சினிமாவின் பாதை மாறுமா? ; ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in