Dinamalar

ஹிந்திப் படத்தில் சிறப்புத் தோற்றத்தில் அமலா...!

90களில் முன்னணி நடிகையான அமலா தெலுங்கு நடிகர் நாகார்ஜுனாவைத் திருமணம் செய்து கொண்டு திரையுலகை விட்டு விலகினார். அதன் பின் அவர் நடிப்பதில் ஆர்வம் காட்டவில்லை. தற்போதுதான் தமிழில் 'உயிர்மை' என்ற தொலைக்காட்சித் தொடரில் முன்னணி கதாபாத்திரத்தில் நடித்து வருகிறார். சமீபத்திய பேட்டி ஒன்றில் கூட தொலைக்காட்சித் தொடரில் நடிப்பதுதான் மிகவும் சௌகரியமாக இருக்கிறது, அது சினிமாவில் நடிப்பதில் இருக்காது, அதனால் சினிமாவில் நடிக்கும் எண்ணமெல்லாம் இல்லை என்ற ரீதியில் பதிலளித்திருந்தார்.

ஆனால், தற்போது ஹிந்தியில் பிரபல இயக்குனரான மகேஷ்பட் தயாரித்து வரும் 'ஹமாரி அதுரி கஹானி' என்ற படத்தில் சிறப்புத் தோற்றத்தில் நடிக்க சம்மதித்திருக்கிறார். இது பற்றி படத்தின் தயாரிப்பாளரான மகேஷ்பட் டிவிட்டரில் கூறியுள்ளதாவது, “எந்தக் காலத்திலும் அழகான அமலா, எங்களது காதல் காவியமான 'ஹமாரி அதுரி கஹானி' படத்தில் சிறப்புத் தோற்றத்தில் நடிக்கப் போகிறார்,” என தெரிவித்துள்ளார்.

அமலா ஹிந்திப் படம் ஒனறில் நடிப்பது ஆச்சரியமான விஷயம்தான். அவரைத் தங்களது படங்களில் நடிக்க வைக்க தெலுங்கு மற்றும் தமிழ் இயக்குனர்கள் பலர் முயற்சித்த நிலையில் அமலா ஹிந்திப் படத்தில் நடிக்க சம்மதித்திருப்பது அவர்களுக்கு ஆச்சரியத்தை ஏற்படுத்தியுள்ளது. இனி, தென்னிந்திய மொழிகளிலும் அவர் நடிப்பாரா என்ற கேள்வியை எழுப்பியுள்ளது.

• செய்திகள்
• வரவிருக்கும் படங்கள்

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...