'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் | மே 17ல் வருகிறார் சத்யபாமா | பிளாஷ்பேக் : ஜானகியை காத்த ராமன் | 'மார்க் ஆண்டனி' வெற்றியைத் தக்க வைப்பாரா 'ரத்னம்'? | 'விக்ரம், லியோ, கூலி' - டைட்டில் டீசர் வீடியோ, எது பெஸ்ட்? | 10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் பரஸ்பரம் குற்றச்சாட்டு | ஜன கன மன 2 எப்போது? - இயக்குனர் தகவல் | ஆவேசம் படத்துக்கு சமந்தா பாராட்டு |
“சிவாஜி, எந்திரன்” என ஷங்கருடன் கூட்டணி சேர்ந்து ரஜினிகாந்தை திரையில் பல மடங்கு ஹீரோயிசமாகக் காட்டிய அந்தப் படங்களின் வசூலையாவது 'லிங்கா' எடுக்குமா என்று தெலுங்குத் திரையுலகில் பேச ஆரம்பித்து விட்டார்களாம். 'எந்திரன்' படத்தின் வசூலைக் கூட 'லிங்கா'வால் தொட முடியாது என அவர்கள் தெரிவிப்பதாகவும் டோலிவுட் வட்டாரங்கள் தெரிவிக்கின்றன. இத்தனைக்கும் சில நாட்களுக்கு முன் ஹைதராபாத்தில் 'லிங்கா' தெலுங்குப் படத்திற்கென தனியான பிரமோஷன் நிகழ்ச்சிகள் வேறு நடைபெற்றது. அப்படியிருக்க மிகுந்த எதிர்பார்ப்புடன் வெளியான 'லிங்கா' படம் தெலுங்கு ரசிகர்களை திருப்திப்படுத்தவில்லை என்றே அங்கிருந்து வரும் முதல் கட்டத் தகவல்கள் தெரிவிக்கின்றன.
அதிக பட்சமாக நிஜாம் ஏரியாவில் 2 கோடி ரூபாய் வரையிலும், குறைந்த பட்சமாக நெல்லூரி ஏரியாவில் 10 லட்ச ரூபாய் வரையிலும், ஆக மொத்தம் 4 கோடி ரூபாய் வரைதான் முதல் நாள் வசூலாக படத்திற்கு இருந்திருக்கிறதாம். சுமார் 30 கோடி ரூபாய் வரையில் தெலுங்கு உரிமை விற்கப்பட்ட 'லிங்கா' படம் அசலை எடுப்பது கடினம் என்று சொல்கிறார்கள். வழக்கமான ரஜினி படமாகவும் இல்லாமல், வித்தியாசமான ரஜினி படமாகவும் இல்லாமல் இருப்பதே படத்தின் நெகட்டிவ் பேச்சுக்குக் காரணம் என்கிறார்கள்.
சமீபத்தில் ஹைதராபாத்தில் நடந்த விழாவில் கூட ரஜினிகாந்த் பேசும் போது, “ஒரு படத்தைத் தயாரிப்பதற்கு முன் பல மாதங்கள், அல்லது வருடங்கள் அந்தப் படத்தைத் தயாரிப்பதற்கு முந்தைய பணிகளை பார்ப்பார்கள். ஆனால், இந்தப் பிரம்மாண்ட படத்தை மொத்தமாக ஆறே மாதத்திற்குள் எடுத்து முடித்திருக்கிறோம்,” என்றார்.
தயாரிப்பு ரீதியாகவும், தொழில்நுட்ப ரீதியாகவும் கவனம் செலுத்தியவர்கள், கதை, திரைக்கதை விஷயத்தில் கோட்டை விட்டு விட்டார்களே என்றுதான் பேச்சு எழுந்திருக்கிறதாம். இன்னும் ஆற அமர கதை விவாதம் செய்து, கொஞ்சம் பொறுமையாக படத்தை வெளியிட்டிருக்கலாம் என்பது தெலுங்குத் திரையுலகினரின் பேச்சாக மட்டுமில்லை, இங்குள்ளவர்களின் பேச்சாகவும் இருக்கிறது.