Dinamalar

ரஜினியும்...விருதுகளும்....!

திரைப்படத்துறையில் கமலும் ரஜினியும் இருவேறு துருவங்கள். கமல் விருதுகளைக் குவித்து வரும் நடிகர். ரஜினியோ வசூல் ராஜா. தனக்கென ஒரு பாதையில் ஸ்டைலான நடிப்பில் அசைக்கமுடியாத ராஜாவாக நடைபோட்டு வரும் ரஜினி, திரையுலகில் மட்டும் 'சூப்பர்ஸ்டார்' என இல்லாமல், நிஜ வாழ்க்கையிலும் சூப்பர்ஸ்டாராக வாழ்ந்து வருகிறார்.

பணம், புகழ், அந்தஸ்து என அனைத்திலும் நிறைவைப் பெற்றுவிட்டாலும், இன்று வரை அவர் சாதாரண மனிதராக ஒரு எளிமையான வாழ்க்கையயை மட்டுமே வாழ விரும்புகிறார். தன்னம்பிக்கையும், சாதிக்க வேண்டும் என்ற விடாமுயற்சியையும் கொண்டு கடுமையாக உழைத்தால், வாழ்க்கையில் முன்னேறலாம் என்ற பாடத்தை கற்றுத்தந்துள்ளார். தனிப்பட்ட வாழ்க்கையில் பலருக்கும் முன்னோடியாக இருக்கும் ரஜினி தன் படத்தின் கதை விஷயத்தில் அலட்டிக்கொள்வதில்லை. வசூலை மட்டுமே கருத்தில் கொண்டு கதைகளை தேர்வு செய்வார். ஆனாலும் அவர் நடித்த படங்களுக்கு அவ்வப்போது விருதுகள் கிடைத்துள்ளன.

அவற்றில் முக்கியமான விருதுகளில் பட்டியல்...

* 1978 ஆம் ஆண்டு “முள்ளும் மலரும்” திரைப்படத்திற்காக “தமிழக அரசு திரைப்பட விருது” வழங்கப்பட்டது.

* 1979 ஆம் ஆண்டு “ஆறிலிருந்து அறுபது வரை” திரைப்படத்திற்காக “தேவர் விருது” வழங்கப்பட்டது.

* 1984 ஆம் ஆண்டு “நல்லவனுக்கு நல்லவன்” திரைப்படத்திற்காக “ஃபிலிம்பேர் விருது” வழங்கப்பட்டது.

* 1985 ஆம் ஆண்டு தமிழக அரசின் “கலைமாமணி விருது” வழங்கப்பட்டது.

* 1989 ஆம் ஆண்டு “எம்.ஜி.ஆர் விருது” வழங்கப்பட்டது.

* 1992 ஆம் ஆண்டு “அண்ணாமலை” திரைப்படத்திற்காக “அம்பிகா விருது” வழங்கப்பட்டது.

* “16 வயதினிலே” மற்றும் “முள்ளும் மலரும்” திரைப்படத்திற்காக “அரிமா சங்கம் விருது” வழங்கப்பட்டது.

* “நல்லவனுக்கு நல்லவன்”, “ஸ்ரீ ராகவேந்தரா”, “பிளட் ஸ்டோன்”, “தளபதி”, “அண்ணாமலை”, “வள்ளி”, “பாட்ஷா”, “முத்து” போன்ற திரைப்படங்களுக்காக சினிமா எக்ஸ்பிரஸ் விருது வழங்கப்பட்டது.

* “முள்ளும் மலரும்”, “மூன்று முகம்”, “முத்து”, “படையப்பா”, “சந்திரமுகி”, “சிவாஜி” போன்ற திரைப்படத்திற்காக 'தமிழ்நாடு மாநில திரைப்பட விருதுகள்' வழங்கப்பட்டது.

2000 ஆம் ஆண்டு இந்தியாவின் உயரிய விருதுகளில் ஒன்றான “பத்ம பூஷன்” விருது வழங்கப்பட்டது.

சில மாதங்களுக்கு முன் கோவாவில் நடைபெற்ற சர்வதேச பட விழாவில் ரஜினிக்கு சிறப்பு விருதும் வழங்கப்பட்டது.

• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்

• 
  ஓடிடி - வாழ வைக்கிறதா, நசுக்குகிறதா? : கலங்கும் கலையுலகம்
• 
  மாற்றத்தை ஏற்படுத்தாத மார்ச் மாதத் திரைப்படங்கள்
• 
  தமிழ் சினிமா 2024 - பிசுபிசுத்த பிப்ரவரி
• 
  காலத்திற்கேற்ப மாற்றத்தைக் கொண்டு வருமா தமிழ் சினிமா?
• 
  ஆரம்பமே இப்படியா...? - 2024ன் முதல் மாதம் ஓர் அலசல்