பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! | இளையராஜா பயோபிக் படத்தை குறித்து புதிய தகவல் இதோ! | நடிகை பூஜாவின் லேட்டஸ்ட் புகைப்படம் வைரல் | அடையாளம் தெரியாத அளவிற்கு மாறிப்போன கமலினி முகர்ஜி | 'பிரேமலு' பிரபலம் மமிதா பைஜு தமிழிலும் பிரபலம் ஆவாரா? | சூர்யாவின் 'கங்குவா' டீசர் இன்று மாலை வெளியீடு; பரபரப்பை ஏற்படுத்துமா? | நாங்கள் தாசிகள் தான்! சின்னத்திரை நடிகை தீபாவின் உருக்கமான பேச்சு | மீண்டும் சீரியலில் கம்பேக் கொடுத்த ஸ்ருதி சண்முகப்ரியா! | ஓடிடியிலும் சாதனை படைக்கும் 'ஹனுமான்' |
நட்சத்திரங்களுக்கு எப்போதுமே நிழலாக இருப்பவர்கள் அவரது உதவியாளர்கள்தான். கார் டிரைவர், மேக்கப்மேன், ஹேர் டிரஸ்ஸர், காஸ்ட்டியூம் உதவியாளர், தனி உதவியாளர் என அவர்களைச் சுற்றி எப்போதுமே ஐந்தாறு பேர் இருந்து கொண்டேயிருப்பார்கள். நடிகைகள் என்றால் கேட்கவே வேண்டாம். அவர்கள்தான் அந்த நடிகைகளின் சமயங்களில் பாதுகாவலர்களாகவும் செயல்படுவார்கள். முன்பெல்லாம் நடிகைகளின் கூட இருப்பவர்கள் யார் என்பதும் கூடத் தெரியாது. விழாக்களுக்கெல்லாம் ஒரே ஒரு உதவியாளருடன் மட்டும்தான் வருவார்கள். படப்பிடிப்புகளில் அவர்கள் எல்லாம் இருந்தால் கூட அவர்களுடைய புகைப்படங்கள் எந்த பத்திரிகையிலும் வெளிவராது. சில நடிகைகளே அதை விரும்பவும் மாட்டார்கள்.
தன்னுடன் இருப்பவர்களையும் மரியாதையுடன் நடத்துபவர்களில் அஜித்தான் முதலிடத்தில் இருக்கிறார் என திரையுலகினரே சொல்வார்கள். அவருடைய பணியாளர்களுக்கென தனியாக சென்னையில் வீடுகளை கட்டிக் கொடுத்திருக்கிறார். அவர்களுடைய குழந்தைகளின் படிப்பு, மருத்துவ செலவுகளையும் ஏற்றிருக்கிறார். அவரைப் போல அடுத்து நடிகை சமந்தா செயல்படுகிறார் எனத் திரையுலகினர் சொல்கிறார்கள். நேற்று சமந்தாவின் உதவியாளரான ஆர்யா என்பவருக்குப் பிறந்தநாள். அவருடன் நட்பாகத் தோள் மீது கை போட்டுள்ள புகைப்படத்தை டுவிட்டர் வலைத்தளத்தில் வெளியிட்டு, அவருக்குப் பிறந்த நாள் வாழ்த்துக்களையும் தெரிவித்திருக்கிறார் சமந்தா.
அதில், “எனது உதவியாளர் ஆர்யாவுக்கு இனிய பிறந்தநாள் வாழ்த்துகள். அவர் என்னுடைய சகோதரரைப் போன்றவர். என் வாழ்க்கையில் மிகவும் முக்கியமான நபர். லவ் யூ,” என அதில் அவருக்கு வாழ்த்துத் தெரிவித்துள்ளார். சமந்தாவின் இந்த பரந்த மனசை அவருடைய ரசிகர்கள் மிகவும் பாராட்டுகிறார்கள்.