‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி | இந்த வருடத்திற்கான ஓடிடி கதவுகள் மூடப்பட்டு விட்டன : விஷால் எச்சரிக்கை மணி | ஈரோட்டில் ரசிகர்களை சந்தித்த த்ரிஷா | வித்யாபாலன் டிவியில் பார்த்த முதல் பாடல், எது தெரியுமா ? | 'கில்லி' எத்தனை மொழிகளில் ரீமேக் ஆனது தெரியுமா ? | குருவாயூரில் நடந்த 'டாடா' நாயகி அபர்ணா தாஸ் திருமணம் | பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா |
தமிழ் சினிமாவில் பிரபலமான ஏ.ஆர்.ரகுமான், மணிரத்னம் இயக்கிய ரோஜா, பம்பாய் படங்கள் இந்தியிலும் வெளியானதால், பாலிவுட்டிலும் பேசப்படும் இசையமைப்பாளர் ஆனார். அதன்பிறகு இந்தியிலும் அதிகப்படியான படங்களுக்கு இசையமைத்து வந்தார். பின்னர், ஹாலிவுட்டுக்கு சென்ற ரகுமான். ஸ்லம்டாக் மில்லியனர் படம் மூலம் ஆஸ்கர் விருதுகள் பெற்றார்.
இதனால் உலகம் முழுவதும் பிரபலமாகி விட்டார். இந்தநிலையில், சில ஆண்டுகளுக்கு முன்பு ஈரானிய இயக்குனர் மஜீத் என்பவரை ரகுமான் சந்தித்தபோது, அவரது இசை குறித்து தனது கருத்துக்களை சொன்னாராம். அதோடு, மேற்கத்திய இசைக்கே நீங்கள் ஏன் முக்கியத்துவம் கொடுக்கிறீர்கள். உங்களது பாரம்பரிய இசைக்கருவிகளைக்கொண்டு இசையமைக்க வேண்டியதானே என்றும் கேட்டுக்கொண்டாராம்.
அதையடுத்து, அதற்கான சந்தர்ப்பங்கள் வரும்போது எங்கள் பாரம்பரிய இசைக்கருவிகளைக்கொண்டு இசையமைப்பேன் என்று சொன்னவரிடத்தில்,, தான் இயக்கும் ஒரு படத்துக்கும் அவரை இசையமைக்க கேட்டுக்கொண்டாராம். அதற்கு உடனே சம்மதம் சொன்ன ரகுமான், ஈரானின் பாரம்பரிய இசைக்கருவிகளைக்கொண்டு அவரது படத்துககு தற்போது இசையமைத்துக்கொண்டிருக்கிறாராம்.
தற்போது தமிழில், காவியத்தலைவன் படத்திற்கு இசையமைத்து விட்ட ரகுமான், அடுத்தபடியாக லிங்கா, ஐ பட வேலைகளில் ஈடுபட்டிருக்கிறார். இதற்கிடையே ஈரானிய படத்தோடு இரண்டு ஹாலிவுட் படங்களுக்கும், தற்போது இசையமைத்துக்கொண்டிருக்கிறாராம். ஆக, உலக அளவில் பிரபலமாகி விட்ட ஏ.ஆர்.ரகுமானின் இசைக்கூடாரம் எந்நேரமும் பிசியாகவே இருக்கிறது. முக்கியமாக, தமிழ்ப்படங்களுக்கும் அமெரிக்காவில் உள்ள ரெக்கார்டிங் தியேட்டரிலேயே இசையமைக்கிறார் ரகுமான்.
Tags- a.r.rahman. majeeth. kaviyathalaivan. linga. i. america.