'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா? | நடிகை தமன்னாவுக்கு மும்பை சைபர் கிரைம் சம்மன் | ரீ-ரிலீஸ் படங்களால் யாருக்கு லாபம்? | விஜய் கையில் காயம் : ரசிகர்கள் வருத்தம் | ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் |
ஒரு காலத்தில் தூங்குவதற்குகூட நேரமில்லாமல் பிசியாக நடித்துக்கொண்டிருந்தவர் ரஜினி. பெரும்பாலான நாட்களில் நான் அறையில் தூங்கியதில்லை. கார்களில் ஒரு படப்பிடிப்பு தளத்தில் இருந்து இன்னொரு படப்பிடிப்பு தளத்திற்கு செல்லும்போது கிடைக்கும் நேரத்தில்தான் தூங்குவேன். அதையடுத்து, நடிக்கத் தொடங்கி விடுவேன். பின்னர் இடையிடையே கிடைக்கும் நேரங்களில் ஒரு மணி நேரம், அரை மணி நேரம் என்று அவ்வப்போது தூங்கிக்கொள்வேன் என்று அவரே ஒரு பட விழாவில் கூறினார்.
அப்படிப்பட்ட ரஜினி, ராணா பட பூஜைக்குப்பிறகு ஏற்பட்ட உடல்நலக்குறைவு காரணமாக அதிகமான நேரத்தை இப்போது ஓய்வெடுத்து வருவதாகவே செய்திகள் வெளியாகிக்கொண்டிருக்கின்றன. அதோடு நெருக்கான சினிமா நண்பர்களின் பட விழாக்களைக்கூட அவர் தவிர்ப்பதாகவும் கூறுகிறார்கள்.
ஆனால் அது உண்மயில்லையாம். கமல், மணிரத்னம், வைரமுத்து. ஏ.ஆர்.ரகுமான் போன்ற அபிமானிகள் சம்பந்தப்பட்ட விழாக்களுக்கு இப்போதும் ரஜினி வந்துதான் செல்கிறாராம். ஆனால் அவர், தலையில் வித்தியாசமான விக் அணிவதோடு, தனது முகத்தின் பெரும்பகுதியை மறைத்துககொள்ளும் வகையிலான ஒரு தாடியையும் அணிந்து வருகிறாராம். அதோடு தன்னை அடையாளம் கண்டுகொள்ளாத உடைகளை அணிகிறாராம்.
இதற்கான விக்குகளை எந்திரன் படத்தில் அவருக்கு விக் செய்து கொடுத்த ஹேர் டிரஸ்ஸர் ரெடி பண்ணிக்கொடுத்திருக்கிறாராம். மேலும், அப்படி தான் வரும்போது தனது வழக்கமான காரை பயன்படுத்தாமல், சாதாரணமான மாருதி காரில் வந்திறங்கும் ரஜினி, விழா ஹாலுக்குள்ளும் எந்தவித ஆர்ப்பாட்டமும் இல்லாமல் ஒரு ஓரமாக வந்து அமர்ந்துவிட்டு செல்கிறாராம். அப்போது ஒரேயொரு உதவியாளர் மட்டுமே அவருடன் இருப்பாராம். இப்படி ரஜினி விழாவுக்கு வந்து செல்கிற விசயம், விழா சம்பந்தப்பட்டவர்களுக்கு மட்டுமே தெரியுமாம். அவர்களும் அதை ரகசியமாக வைத்திருப்பார்களாம்.