Dinamalar

பிரகாஷ்ராஜ் தயாரிக்கும் புதிய படம்!

நடிகர், இயக்குனர், தயாரிப்பாளர் என பல அவதாரங்களை எடுத்துள்ள பிரகாஷ்ராஜ் கடைசியாக அவரது தயாரிப்பு, இயக்கத்தில் 'உன் சமையலறையில்' படத்தை தமிழ், தெலுங்கு, கன்னடம் ஆகிய மொழிகளில் இயக்கினார். கன்னடத்தில் மட்டும் வெற்றிப் படமாக அமைந்த அந்தப் படம் மற்ற மொழிகளில் தோல்வியைத் தழுவியது. தமிழில் அதிகப் படங்களில் நடிக்காமல் இருக்கும் பிரகாஷ்ராஜ், அடுத்து ஒரு புதிய படத்தைத் தயாரிக்க உள்ளார். இந்தப் படத்தை நடிகை ரம்யா கிருஷ்ணனின் கணவரும், தெலுங்கின் முன்னணி இயக்குனர்களில் ஒருவருமான கிருஷ்ண வம்சி இயக்க உள்ளார்.

கிருஷ்ணவம்சி இயக்கத்தில் ராம்சரண் தேஜா, காஜல் அகர்வால் நடித்து சமீபத்தில் வெளிவந்த 'கோவிந்துடு அந்தாரிவாடிலே' படம் அங்கு மாபெரும் வெற்றி பெற்ற படமாக அமைந்தது. அந்தப் படத்திற்குப் பிறகு பிரகாஷ்ராஜ் தயாரிக்கும் படத்தை கிருஷ்ண வம்சி இயக்க உள்ளார். இப்படம் தமிழ், தெலுங்கில் தயாராக உள்ளதாம். படத்தில் புதுமுகங்களைத்தான் முக்கிய கதாபாத்திரங்களில் நடிக்க வைக்க உள்ளார்களாம். பிரகாஷ்ராஜை சிறந்த கதாபாத்திரங்களில் நடிக்க வைக்கும் கிருஷ்ணவம்சிக்காக பிரகாஷ்ராஜ் இந்தப் படத்தைத் தயாரிக்கிறாராம். குடும்பக் கதைகளை வித்தியாசமாகச் சொல்லும் கிருஷ்ணவம்சி இந்தப் படத்தையும் ஒரு குடும்பக் கதையாகத்தான் உருவாக்க உள்ளாராம்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  'குரங்கு பெடல்' 80ஸ் கிட்ஸின் கதை : கமலக்கண்ணன்
• 
  மே 17ல் வருகிறார் சத்யபாமா
• 
  பிளாஷ்பேக் : ஜானகியை காத்த ராமன்
• 
  'மார்க் ஆண்டனி' வெற்றியைத் தக்க வைப்பாரா 'ரத்னம்'?
• 
  'விக்ரம், லியோ, கூலி' - டைட்டில் டீசர் வீடியோ, எது பெஸ்ட்?