Dinamalar

பாரதிராஜாவுக்கு அமெரிக்க தமிழ்ச் சங்க விருது

நியூயார்க் நகரில் அமெரிக்க தமிழ் சங்கம் நடத்திய விழாவில் இயக்குனர் பாரதி ராஜாவுக்கு அமெரிக்க அரசின் உயரிய விருது வழங்கபட்டது.

பாரதிராஜாவுக்கு அமெரிக்காவின் நாஸ்சவ் கவுன்டி மேயர் எட்வர்ட் மங்கனோ வழங்கிய விருதில் பாரதி ராஜா தமிழ் பட உலகில் சகாப்தம் படைத்தவர் என்று புகழாரம் சூட்டப்பட்டது

தமிழ் பட இயக்குனர்கள் ஒரு காலகட்டத்தில் வெளி நாடு சென்று பட பிடிப்பு செய்த போது இவர் யாரும் பார்த்திராத அருகே உள்ள கிராமத்தை மக்களுக்கு அறிமுகம் செய்தார்

தன் சாதனைகளுக்காக மத்திய அரசின் பத்மா ஸ்ரீ மற்றும் பல தேசிய விருதுகளை பெற்றவர்; காதல் கதைகளையும் சமூக சிந்தனை உள்ள திரை படங்களை டைரக்ட் செய்து மக்களின் மனதில் இடம் பிடித்தவர் என்று பாராட்டியது.

விழாவில் சிறப்புரை ஆற்றிய பாரதி ராஜா சர்வதேச அளவில் புலம் பெயர்ந்த தமிழர்களின் பங்களிப்பு அளப்பரியது என்றார், திருமணம் ஆகி புகுந்த வீடு செல்லும் மணப்பெண் பிறந்த வீட்டிலும் புகுந்த வீட்டிலும் நல்ல பெயர் எடுப்பதை போல் புலம் பெயர்ந்த தமிழர்கள் உள்ளனர் என்றார். தான் கடந்து வந்த பாதையை நினைவு கூர்ந்த டைரக்டர், தனது தாயின் ஆதரவும் ஆசியும் தான் வெற்றிக்கு காரணம் என்றார். தமிழர்கள் உலகின் எந்த மூலையில் இருந்தாலும் அவர்களின் மூளை போற்றப்படும் என்றும் உலகின் பல்வேறு நாடுகளில் தமிழர்கள் பெரும் பதவி மற்றும் பொறுப்புகளை அலங்கரிக்க இதுவே காரணம் என்றார்.

சென்னையில் இருந்து காணொளி மூலம் அமெரிக்க சங்க தலைவர் முனைவர் பிரகாஷ் எம் ஸ்வாமி பாரதி ராஜா வின் சாதனைகளை பாராட்டினார். அமெரிக்காவில் உள்ள மதுரை மருத்துவ கல்லூரி முன்னாள் மாணவர் சங்க நிர்வாகிகள் மருத்துவர் சுந்தர் செல்வராஜ் மற்றும் மருத்துவர் மதன் ராஜ் வாழ்த்துரை வழங்கினார்கள்.

விழாவில் அமெரிக்க தமிழ் சங்கம் சார்பாக தமிழ் ரத்னா விருது வழங்க பட்டது. கவிஞர் அருள் வீரப்பன், எட்கர் ரொசாரியோ, ரமேஷ் ராமநாதன் வாழ்த்தினார்கள்.

அமெரிக்க தமிழ் சங்க துணை செயலர் வீரா குமார் நியூ ஜெர்சி தமிழ் சங்க வெள்ளி விழாவில் கலந்து கொள்ள வந்த டைரக்டர் நியூ யார்க் வந்ததற்கு காரணம் அவரின் ரசிகர்கள் மீதான பாசமே காரணம் என்றார்.

சங்க பொருளாளர் கோஷி ஊமன் டைரக்டர்க்கு பொன்னாடை போர்த்தினார்.சங்க செயலர் ஜெயா சுந்தரம் வரவேற்புரை வழங்க துணை தலைவர் கலை சந்திரா நன்றி கூறினார். விழாவில் தீபாவளியை முன்னிட்டு வந்த விருந்தினர்கள் அனைவர்க்கும் இனிப்புகள் வழங்கபட்டன. டைரக்டர் உடன் புகை படம் எடுத்து கொள்ள வந்த ரசிகர்கள் ஆவலாக இருந்தனர்.

• செய்திகள்
• வந்த படங்கள்

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்