கேம் சேஞ்சர் படத்தில் மூன்று வில்லன்கள்? | ஒரே நேரத்தில் பஹத் பாசிலை வைத்து இரண்டு படங்களை தயாரிக்கும் ராஜமவுலி மகன்! | பெண்களால் முடியாதது எதுவுமில்லை! அண்ணா பல்கலை விழாவில் சூர்யா பேச்சு | கேரள ரசிகர்கள் தள்ளுமுள்ளு! விஜய்யின் கார் கண்ணாடி உடைந்தது!! | இறுதிக்கட்டத்தை நெருங்கிய ஜெயம் ரவியின் ஜீனி! | ஆண்ட்ரியாவுக்காக அடம்பிடித்த இயக்குனர் | ரூ.200 கோடி வசூலித்த முதல் மலையாள படம்: மஞ்சும்மேல் பாய்ஸ் சாதனை | ‛உன்னோடு வாழாத வாழ்வென்ன வாழ்வு': 25வது ஆண்டு திருமண வாழ்க்கையை கொண்டாடிய அஜித் - ஷாலினி தம்பதி | பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! |
பாலிவுட் நடிகையான தியா மிர்சாவுக்கு கடந்த அக்., 18ம் தேதி சாகீல் சங்காவுடன் திருமணம் நடந்தது. தியா மிர்சாவுக்கு திருமணம் உற்சாகத்தை தந்தாலும் மற்றொரு பக்கம் அவருக்கு வருத்தத்தையும் தந்துள்ளது. தியாவின் வருத்தத்திற்கு காரணமானவர் நடிகர் போமன் இரானி.
போமன் இரானியும், தியா மிர்சாவும், ''லகே ரகோ முன்னாபாய்'' மற்றும் ''ஹம் தம் அவுர் கோஸ்ட்'' படங்களில் நடித்துள்ளனர். அப்போது முதலே இருவரும் அப்பா-மகளாக பழகி வருகின்றனர். தியாவை கிட்டத்தட்ட தனது வளர்ப்பு மகளாக பாவித்தார் போமன், அதேப்போல், தியாவும், போமனை தனது வளர்ப்பு அப்பா போன்றே பாவித்தார். ஒரு தந்தை ஸ்தானத்தில் இருந்து தனது திருமணத்தை போமன் நடத்தி வைப்பார் என்று ஏற்கனவே ஒரு பேட்டியில் கூறியிருந்த தியா, அதன்படி திருமணத்தன்று போமன் வருவார், அப்பா ஸ்தானத்தில் இருந்து தனது திருமணத்தை நடத்தி வைப்பார் என்று அதிகமாக எதிர்பார்த்திருந்தார் தியா. ஆனால் போமனால் திருமணத்திற்கு வர முடியவில்லை. இதனால் அவர் மீது மிகுந்த வருத்தத்தில் இருக்கிறார் தியா.
ஷாரூக்கானின், ''ஹேப்பி நியூ இயர்'' படத்தில் போமனும் முக்கிய ரோலில் நடித்துள்ளார். அதுதொடர்பான புரொமோஷன் வேலைகளில் பிஸியாக இருந்ததால் அவரால் தியாவின் திருமணத்தில் பங்கேற்க முடியாமல் போனதாக கூறப்படுகிறது.