அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் |
தயாரிப்பாளர்கள் கங்க தேர்தலில் போட்டியிடுவதற்காக ராம.நாராயணன் தலைமையிலான அணியை சேர்ந்தவர்கள் வேட்புமனு தாக்கல் செய்தனர். தமிழ் திரைப்பட தயாரிப்பாளர்கள் சங்க தேர்தல் ஜூலை 11ம்தேதி நடைபெறுகிறது. கடந்த முறை நடந்த தேர்தலில் ராம.நாராயணன் போட்டியின்றி தேர்ந்தெடுக்கப்பட்டார். இந்த முறை கே.ஆர்.ஜி. போட்டியிடப்போவதாக அறிவித்துள்ளார். இவர ஏற்கனவே 8 ஆண்டுகள் தயாரிப்பாளர் சங்க தலைவராகவும், பிலிம் சேம்பர் தலைவராகவும் இருந்திருக்கிறார்.
ராம.நாராயணன் ஏற்கனவே 2 முறை தலைவராக இருந்து வருகிறார். போட்டி ஏற்பட்டிருப்பதால் வெற்றி யாருக்கு? என தமிழ் திரையுலகமே எதிர்பார்த்து வருகிறது. இந்நிலையில், ராம.நாராயணனும், அவர் தலைமையில் போட்டியிடும் மற்ற வேட்பாளர்களும் வேட்பு மனு தாக்கல் செய்துள்ளனர். ராம.நாராயணன் தலைவர் பதவிக்கும், அன்பாலயா பிரபாகரன், எஸ்.ஏ.சந்திரசேகரன் ஆகியோர் துணைத்தலைவர் பதவிக்கும், சிவசக்தி பாண்டியன், கே.முரளிதரன் ஆகியோர் செயலாளர் பதவிக்கும், காஜா மைதீன் பொருளாளர் பதவிக்கும் போட்டியிட மனு தாக்கல் செய்துள்ளனர்.
இந்த போட்டியில் தனக்கு தயாரிப்பாளர்கள் அனைவரும் ஆதரவு அளிப்பார்கள் என்ற நம்பிக்கை இருக்கிறது என்று சொன்ன ராம.நாராயணன், கடந்த முறை நாங்கள் செயல்படுத்திய திட்டங்களே எங்களை வெற்றி பெற வைக்கும் என்றும் கூறினார்.