அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் |
தமன்னா கடைசியாக தமிழில் நடித்த வீரம் படம் மிகப்பெரிய வெற்றியடைந்தும் அவருக்கு பலனில்லாமல் போய்விட்டது. தமிழில் தமன்னாவுக்கு புதுப்பட வரவுகள் கிடைக்கவில்லை. எனவே மனசளவில் நொந்துபோயிருந்தவருக்கு ஆறுதலாக கிடைத்திருக்கிறது ஆர்யாவின் பட வாய்ப்பு. சிவா மனசுல சக்தி மூலம் இயக்குநராக அறிமுகமாகி முதல் படத்திலேயே வெற்றியை ருசித்த ராஜேஷ் எம். இப்படத்தை இயக்குகிறார். ராஜேஷ் எம். இயக்கிய இரண்டாவது படம் பாஸ் (எ) பாஸ்கரன். ஆர்யா, நயன்தாரா, சந்தானம் நடித்த இப்படமும் சூப்பர்ஹிட்டாகி, முன்னணி இயக்குநர்கள் வரிசையில் இடம்பிடித்தார் ராஜேஷ் எம்.
இதை அடுத்து ராஜேஷ் எம். இயக்கிய ஒரு கல் ஒரு கண்ணாடி படமும் ஹிட்டானது. அடுத்து இயக்கிய, அழகுராஜா படுதோல்வியடைந்ததால் காணாமல்போனார் ராஜேஷ்.எம். அவரது கஷ்டநிலையை கருத்தில் கொண்டு அவருக்கு கால்ஷீட் கொடுத்ததோடு அந்தப்படத்தையும் தானே தயாரிக்கிறார் ஆர்யா. முதலில் இப்படம் பாஸ் என்கிற பாஸ்கரன் படத்தின் இரண்டாம் பாகம் என்று சொல்லப்பட்டு வந்தது. ஆனால், இது இரண்டாம் பாகம் இல்லை என்பதை மறுக்கிறார் ராஜேஷ் எம்.
நான் தற்போது உருவாக்கிக் கொண்டிருக்கும் ஸ்கிரிப்ட் பாஸ் என்கிற பாஸ்கரன் படத்தின் இரண்டாம் பாகம் அல்ல. இது முற்றிலும் புதிய ஒரு கதை. இதில் ஆர்யா, தமன்னா, சந்தானம் ஆகியோர் நடிக்கிறார்கள். ஆர்யாவின் தி ஷோ பீப்பிள் நிறுவனம் இப்படத்தை தயாரிக்கிறது! என்று தெளிவுபடுத்தி இருக்கிறார் ராஜேஷ் எம்.