அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' |
விதார்த் நடித்து இன்னும் வெளிவராமல் இருக்கும் காட்டுமல்லி படத்துக்காக ஆந்திராவில் இருந்து தமிழுக்கு அழைத்து வரப்பட்டவர் ஸ்ரீதிவ்யா. ஆனால் அந்த படம் இன்னமும் திரைக்கு வரவில்லை. அதையடுத்து சிவகார்த்திகேயனுக்கு ஜோடியாக அவர் நடித்த வருத்தப்படாத வாலிபர் சங்கம் படம் வெளிவந்து ஹிட்டாகியது.
அதனால் கோலிவுட்டின் ராசியான ஹீரோயினி என்பதோடு பட்ஜெட் நாயகி என்று அவரை மளமளவென்று சில படங்களுக்கும் புக் பண்ணினர். அந்த வகையில், பென்சில், ஈட்டி, காக்கி சட்டை, ஜீவா, வெள்ளைக்கார துரை என பல படங்களில் கமிட்டாகி பிசியாக நடித்து வந்தார். அதில் ஜீவா மட்டும் தற்போது திரைக்கு வந்திருக்கிறது. இந்த படம் ஹிட்டடித்திருப்பதால் ஸ்ரீதிவ்யாவின் ரேட்டிங் மேலும் எகிறி நிற்கிறது. அதோடு அடுத்தடுத்து அவரை புக் பண்ணுவதற்கும் பட அதிபர்கள் முற்றுகையிட்டுள்ளனர்.
இந்தநிலையில், ஜீவா படத்தின் ப்ரமோஷன் நிகழ்ச்சிகளிலும் பங்கேற்று வருகிறார் ஸ்ரீதிவ்யா. அப்படி சமீபத்தில் ஒரு சேனல் நிகழ்ச்சியில் கலந்து கொண்டபோது ரசிகர்களின் கேள்விகளுக்கும் பதிலளித்தார் ஸ்ரீதிவ்யா. அப்போது சரக்கு அடித்து விட்டு உளறுவது போல் ஸ்ரீதிவ்யாவை நடிக்க சொன்னபோது, அவர் அப்படியே அசத்தலாக நடித்தார்.
ஆனால் அதைப்பார்த்து விட்டு சில ரசிகர்கள், பல ஆண்டுகளாக சரக்கு அடிக்கிற பழக்கம் இருப்பவரைப் போலவே அசத்தலாக நடித்தீர்களே.உங்களுக்கு எவ்வளவு நாட்களாக சரக்கு அடிக்கிற பழக்கம் உள்ளது? என்று கேட்டார்களாம். அதைக்கேட்டு ஆடிப்போன ஸ்ரீதிவ்யா, நிஜத்தில் எனக்கு அந்த பழக்கமெல்லாம் கிடையாது. அந்த நிகழ்ச்சியில் என்னை தண்ணி அடித்தவர் போல் நடிக்கச்சொன்னதால் அப்படி நடித்தேன். அதனால் அதை உண்மை என்று யாரும் நம்ப வேண்டாம். மேலும், சரக்கு அடித்ததில்லை என்றாலும், எத்தனையோ பேர் தண்ணி அடித்து விட்டு பேசுவதை பார்த்திருக்கிறேன். அதை உள்வாங்கித்தான் அப்படி நடித்துக்காட்டினேன் என்றும் தன்னை வெறுப்பேற்றிய ரசிகர்களுக்கு பொறுமையாக பதில் கொடுத்துள்ளார் ஸ்ரீதிவ்யா.